بۇۇ ميسسيياسىندا قازاقستاندىق بٸتٸمگەرلەر قۇرامىندا جاۋىنگەر قىزدار دا بولادى. بۇل تۋرالى قورعانىس مينيسترٸنٸڭ ورىنباسارى تالعات مۇحتاروۆ مەلٸم ەتتٸ, دەپ حابارلايدى قازاقپارات.
«بٸتٸمگەرلەر اراسىندا ەيەلدەر قۇرامىنا توقتالساق, بۇل بۇۇ رەفورمالارىنىڭ بٸرٸ بولىپ وتىر. وسى ورايدا بۇۇ تالابى مەن ماقساتتارى اراسىندا بايقاۋشى ەيەلدەر سانىن ارتتىرۋ ەسكەرٸلگەن جەنە وسى كۋرس قازٸرگٸ كەزدە ورىندالۋدا. بٸز دە بۇل باعىتتا ٶتٸنٸم بٸلدٸرٸپ, بٸزدٸڭ ەكٸ جاۋىنگەر قىزىمىز دايىندىقتان ٶتتٸ. سوندىقتان دا ولار ميسسيياعا بارۋعا دايىن», - دەدٸ تالعات مۇحتاروۆ ورتالىق كوممۋنيكاتسييالار قىزمەتٸندە.
ايتا كەتەيٸك, قازاقستاندىق روتا اتالعان ميسسيياعا الداعى قاراشا ايىنا دەيٸن جٸبەرٸلمەك.
«جىلىنا بٸتٸمگەرلٸك روتاعا جۇمسالاتىن قارجى 340 ملن تەڭگەگە جۋىق سومانى قۇرايدى. وسى قارجى كٶلەمٸنە ەڭبەكاقىنى تٶلەۋ مەن لوگيستيكا ەنٸپ وتىر», - دەدٸ مينيستردٸڭ ورىنباسارى.
بۇدان بۇرىن حابارلانعانداي, بيىلعى 15 ماۋسىمدا پارلامەنت پرەزيدەنتتٸڭ 40 وفيتسەردٸ بۇۇ ميسسيياسىنا جٸبەرۋ تۋرالى ۇسىنىسىن قولدادى.
قازاقستاننىڭ 120-عا جۋىق ەسكەري قىزمەتشٸسٸ ليۆانداعى ميسسيياعا قاتىسادى.
بۇعان دەيٸن بۇۇ ميسسيياسىندا قازاقستان بٸتٸمگەرلەرٸنە تٶلەنەتٸن ەڭبەكاقى مٶلشەرٸ بەلگٸلٸ بولعان ەدٸ.
