Qazaqstan men Birikken Ulttar Uiymynyń jemisti ári tiimdi seriktestik tarihy Nursultan Nazarbaevtyń esimimen tyǵyz bailanysty. Bul týraly BUU Bas hatshysynyń arnaýly ókili, Ortalyq Aziiadaǵy Preventivti diplomatiia jónindegi óńirlik ortalyqtyń basshysy Natalia German aitty, dep habarlaidy QazAqparat.
«Ózderińiz bilesizder, Qazaqstan 1992 jyldyń maýsymynda BUU-ǵa múshe boldy. Sol ýaqyttan beri Qazaqstan Respýblikasynyń Birikken Ulttar Uiymymen jemisti ári tiimdi seriktestiginiń tarihy Nursultan Nazarbaevtyń esimimen tyǵyz bailanysty. Sizderdiń elderińiz jańa táýelsiz memleket retinde jumysyna tolyqqandy qatysqan BUU Bas assambleiasynyń alǵashqy sessiiasy - 1992 jylǵy 47-sessiia barysynda Prezident Nazarbaev birinshi ret sóz sóilegen edi. Sodan keiingi jyldary Nursultan Nazarbaev BUU shtap-páterine onnan astam ret sapar jasap, joǵary deńgeidegi jalpy saiasi pikirtalastarǵa qatysty. Onyń bastamasymen BUU alańynda óte mańyzdy soǵysqa qatysty, iadrolyq qarýǵa qarsy jáne terrorizmge qarsy kópten usynys tabysty júzege asyryldy», - dedi ol «Nursultan Nazarbaev. Jaýapty basshylyq: Sabaqtastyq pen evoliýtsiia» taqyrybyndaǵy halyqaralyq konferentsiia barysynda.
Onyń atap ótýinshe, 2011 jyldyń naýryzynda Qasym-Jomart Toqaevtyń BUU Bas hatshysynyń orynbasary laýazymyna taǵaiyndalýy Qazaqstannyń BUU missiiasyn ilgeriletýdegi salmaqty úlesiniń moiyndalýy boldy.
«Qazaqstannyń BUU Qaýipsizdik keńesiniń turaqty emes múshesi bolyp sailanýy bizdiń yntymaqtastyq tarihymyzdaǵy úlken oqiǵa boldy. BUU bas organdarynyń birine sizderdiń elderimiz múshe bolǵan kezeńde QR Tuńǵysh Prezidenti Nursultan Nazarbaev kelesi basymdyqtardy aiqyndady: iadrolyq qarýdan azamat álem qurý, jahandyq soǵys qaterin joiý jáne óńirlik janjaldardy retteý, óńirlik qaýipsizdik pen yntymaqtastyqty nyǵaitý, terrorizmmen kúres, qaýipsiz ári turaqty damý arasyndaǵy úzdiksiz bailanysty qamtamasyz etý, sonymen qatar BUU Qaýipsizdik keńesi men barlyq júiesin HHI ǵasyrdaǵy syn-tegeýrinderge beiimdeý», - dedi Natalia German.
