Óńir elderiniń ýákiletti organdary jetekshileri Izrail men Estoniianyń halyqaralyq sarapshylary jáne BUU-nyń jetekshi mamandarymen birlesip, elektrondyq úkimetti damytýdaǵy zamanaýi innovatsiialyq sheshimderdi usyndy. Halyqaralyq konferentsiiaǵa Eýropa, Aziia jáne Amerikanyń 20 elinen memlekettik organdar men elektrondyq úkimetti damytý salasyndaǵy jáne halyqaralyq uiymdardyń, sondai-aq ýniversitetterdiń 100-den astam ókilderi qatysty.
QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin konferentsiiany asha otyryp: «Pandemiia memlekettik jáne áleýmettik qyzmetterdi usynýdyń dástúrli tásilderiniń álsiz jaqtaryn aiqyndap qana qoimai, kóptegen syn-qaterlerge jaýap berýde tsifrlyq tehnologiialar mańyzdylyǵyn kórsetti» - dep atap ótti. «BUU zertteý nátijeleri tsifrlyq transformatsiia jolynda memleketter aitarlyqtai progreske qol jetkizgenin jáne alǵa qadam jasaǵanyn kórsetedi. Covid-19 pandemiiasynyń jahandyq órshýi aýqymynda memleketter arasyndaǵy ózara tiimdi árekettesý erekshe mánge ie» - dedi ol.
Astana memlekettik qyzmet haby Basqarýshy komiteti tóraǵasy Alihan Baimenov: «Covid-19 pandemiiasy senimniń áleýmettik qundylyq qana emes, kez kelgen strategiiany, onyń ishinde elektrondyq úkimet strategiiasyn iske asyrǵa aýadai qajet tiimdi ákimshilik kapital retindegi mańyzdylyǵyn kórsetti», - dep atap ótti. «Sonymen birge, jańa tehnologiialardy qoldanýda – dedi Baimenov, - kez-kelgen asyra silteýshilikke jol berilmei, sheshim qabyldaýda ashyqtyq jáne jariialylyq qatar júrýi kerek. Tájiribe almasý zamanaýi tehnologiialardy qoldanýǵa da, jańa jaǵdaida azamattardyń quqyqtary men bostandyqtaryn qorǵaýǵa da qatysty bolýy asa mańyzdy».
«Elektrondy úkimet boiynsha biz jasaǵan sholý kórsetkendei, memlekettik sektordaǵy tsifrlyq transformatsiiany jedeldetýge degen suranys sońǵy ailarda kúrt ósti», - dedi BUU Ekonomikalyq jáne áleýmettik máseleler jónindegi departamenti (UN DESA) Elektrondy úkimet basqarmasy jetekshisi Vinchentso Akýaro. Onyń aitýynsha, «pandemiia úkimetter men qoǵamdardy daǵdarysqa qysqa merzimde jaýap berý, orta merzimde onyń saldaryn joiý, sondai-aq uzaq merzimde strategiialyq sheshimder men quraldardy ázirleý úshin tsifrlyq tehnologiialarǵa júginýge májbúr etti». «Bizge osy serpilisti ári qarai kúsheitip, tsifrly progressti odan saiyn ilgeriletip, tsifrlyq alshaqtyqty eńserý qajettigin esten shyǵarmai, eldiń ishinde de, memleketter arasynda da eshkimdi nazardan tys qaldyrmaýymyz kerek» - dedi Akýaro.
UN DESA sarapshysy Arpine Korekian óz baiandamasynda BUU-nyń 2020-shy jyl boiynsha elektrondyq úkimet damý deńgeiine qatysty zertteýdiń sheshýshi nátijeleri men trendterin tanystyrdy. Soǵan sáikes, BUU-ǵa múshe 193 memleket arasynda 126-ǵa jýyq memlekette elektrondyq úkimettiń damý deńgeii joǵary jáne óte joǵary dep anyqtalǵan, Daniia, Ońtústik Koreia jáne Estoniia kósh bastap tur. TMD elderi arasynda Qazaqstan úkimettiń ashyq derekteri, onlain-qyzmetter damý deńgeii indeksi jáne teńizge shyǵa almaityn elder arasyndaǵy indeks boiynsha aldyńǵy orynǵa shyqqan.
Izrail Ulttyq tsifrlyq ministrligi Memlekettik AKT basqarmasy Bas atqarýshy direktory m.a. Shahar Braha, BUU Aziia men Tynyq muhity óńirine arnalǵan Ekonomikalyq jáne áleýmettik komissiiasy AKT jáne apattar qaýpin azaitý jónindegi departamenti direktory Titsiana Bonapache, Estoniia Elektrondyq basqarý akademiiasy Atqarýshy direktory jáne Basqarma tóraǵasy Hannes Astok COVID-19 pandemiiasy kezinde memlekettik qyzmetterdi tiimdi usyný boiynsha ozyq tájiribelerimen, sondai-aq biregei innovatsiialyq sheshimderimen bólisti.
Qyrǵyz Respýblikasy Aqparattyq tehnologiialar jáne bailanys memlekettik komiteti tóraǵasy Altynbek Ismailov, Belarýs Bailanys jáne aqparattandyrý ministriniń birinshi orynbasary Pavel Tkach, Ózbekstan Aqparattyq tehnologiialar jáne kommýnikatsiialar ministriniń birinshi orynbasary Oleg Pekos, Ázirbaijan Elektrondyq úkimetti damytý ortalyǵy direktory Fariz Djafarov, «Ulttyq aqparattyq tehnologiialar» AQ Basqarma tóraǵasy Áset Turysov jáne basqalary elektrondyq úkimetti damytýdaǵy óz jetistikteri men jańa mindetterimen tanystyrdy.
«BUU-nyń elektrondyq úkimet jónindegi zertteýi aiasyndaǵy óńir elderinde elektrondyq úkimettiń damýyndaǵy jetistikter men syn-tegeýrinder» atty onlain-konferentsiiany Astana memlekettik qyzmet haby, QR Tsifrlyq damý, innovatsiialar jáne aeroǵarysh ónerkásibi ministrligi, BUU Ekonomikalyq jáne áleýmettik máseleler jónindegi departamenti, «Zerde» holdingi birlesip uiymdastyrdy.
Konferentsiia barysynda qatysýshylar ózara árekettesý keleshegi jáne osy másele boiynsha jahandyq jáne óńirlik yntymaqtastyqty nyǵaitý qajettiligin talqylady.
Spikerlerdiń prezentatsiialarymen Astana memlekettik qyzmet habynyń resmi saitynda tanysýǵa bolady: www.astanacivilservicehub.org/ru
Anyqtamalyq aqparat:
Astana Memlekettik qyzmet haby missiiasy - aimaq jáne basqa elder úkimetteriniń institýtsionaldyq jáne adami áleýetin kúsheitýdegi kúsh-jigerin qoldaý arqyly memlekettik qyzmet tiimdiligin arttyrýǵa úles qosý.
Qazaqstan Úkimeti jáne BUU Damý baǵdarlamasy bastamasy boiynsha 2013 jyly qurylǵan Astana haby búgingi tańda 42 qatysýshy el men 70 institýtsionaldyq áriptesteri qamtidy. Astana haby - qatysýshy elderdiń qajettilikterine sai kún tártibi bar memlekettik qyzmet salasynda tájiribe men bilim almasý jónindegi institýtsionaldyq platforma.
