BUU Halyqaralyq soty 16 naýryzda Resei biligi Ýkrainadaǵy soǵysty toqtatýy tiis degen qaýly shyǵardy. Sot sonymen birge Resei men Kievten qaqtyǵysty ýshyqtyrýy múmkin qadamdarǵa barmaýdy talap etti. Bul týraly Azattyq habarlady.
"BUU Halyqaralyq sotynda Ýkraina tolyq jeńiske jetti. Sot Reseidi Ýkrainaǵa basqynshylyǵyn dereý toqtatýǵa mindettedi. Halyqaralyq quqyq boiynsha Resei sot qaýlysyn oryndaýǵa mindetti. Sheshimdi oryndamaý Reseidiń odan ári oqshaýlanýyna aparady" dep jazdy Ýkraina prezidenti Vladimir Zelenskii Týitterdegi paraqshasynda.
Ýkraina 27 aqpanda Gaagadaǵy BUU Halyqaralyq sotyna Reseidiń ústinen shaǵym túsirgen. Kiev shaǵymy boiynsha sot otyrysy 7-8 naýryzda ótken.
Kreml Ýkrainaǵa ashqan soǵysyn "áskeri operatsiia" dep ataidy. Reseide "soǵys" sózin qoldanǵandar jaýapqa tartylady.
Resei áskeri Ýkraina aýmaǵyna prezident Vladimir Pýtinniń buiryǵymen 24 aqpanda basyp kirdi. BUU málimetinshe, osy ýaqytqa deiin úsh millionǵa jýyq ýkrain bosyp ketken.
