بۇۇ حالىقارالىق سوتى 16 ناۋرىزدا رەسەي بيلٸگٸ ۋكرايناداعى سوعىستى توقتاتۋى تيٸس دەگەن قاۋلى شىعاردى. سوت سونىمەن بٸرگە رەسەي مەن كيەۆتەن قاقتىعىستى ۋشىقتىرۋى مٷمكٸن قادامدارعا بارماۋدى تالاپ ەتتٸ. بۇل تۋرالى ازاتتىق حابارلادى.
"بۇۇ حالىقارالىق سوتىندا ۋكراينا تولىق جەڭٸسكە جەتتٸ. سوت رەسەيدٸ ۋكرايناعا باسقىنشىلىعىن دەرەۋ توقتاتۋعا مٸندەتتەدٸ. حالىقارالىق قۇقىق بويىنشا رەسەي سوت قاۋلىسىن ورىنداۋعا مٸندەتتٸ. شەشٸمدٸ ورىنداماۋ رەسەيدٸڭ ودان ەرٸ وقشاۋلانۋىنا اپارادى" دەپ جازدى ۋكراينا پرەزيدەنتٸ ۆلاديمير زەلەنسكيي تۋيتتەردەگٸ پاراقشاسىندا.
ۋكراينا 27 اقپاندا گااگاداعى بۇۇ حالىقارالىق سوتىنا رەسەيدٸڭ ٷستٸنەن شاعىم تٷسٸرگەن. كيەۆ شاعىمى بويىنشا سوت وتىرىسى 7-8 ناۋرىزدا ٶتكەن.
كرەمل ۋكرايناعا اشقان سوعىسىن "ەسكەري وپەراتسييا" دەپ اتايدى. رەسەيدە "سوعىس" سٶزٸن قولدانعاندار جاۋاپقا تارتىلادى.
رەسەي ەسكەرٸ ۋكراينا اۋماعىنا پرەزيدەنت ۆلاديمير پۋتيننٸڭ بۇيرىعىمەن 24 اقپاندا باسىپ كٸردٸ. بۇۇ مەلٸمەتٸنشە, وسى ۋاقىتقا دەيٸن ٷش ميلليونعا جۋىق ۋكراين بوسىپ كەتكەن.
