AQSh búgin Ýkrainadaǵy shielenisti jaǵdaidy talqylaý úshin BUU Qaýipsizdik keńesiniń otyrysyn ótkizedi dep kútilýde, dep habarlaidy QazAqparat Euronews agenttigine silteme jasap.
AQSh-tyń BUU-daǵy turaqty ókili Linda Tomas-Grinfild Resei áskeriniń Ýkraina mańyna shoǵyrlanýyna qatysty naqty jaýap alǵysy keletinin aitty.
Batys elderi Ýkrainaǵa qoldan kelgenshe kómektesip baǵýda.
Reseidiń Syrtqy ister ministrligi Amerika Qurama Shtattary men NATO-ny áskeri jáne saiasi maqsatta Ýkrainany Reseidiń shekara aýmaqtarynda shielenis týdyrýda paidalandy dep aiyptaidy.
«Biz álemniń kez kelgen eli siiaqty AQSh-pen jaqsy, tipti ózara syilastyq, teń qarym-qatynasty qalaimyz. Bul týraly Resei Prezidenti Vladimir Pýtin AQSh Prezidenti Djo Baidenge aitty. Tipti, 2021 jylǵy maýsymda Jenevada ótken kezdesýinde de dál osyndai málimdeme jasady», – dedi Resei Federatsiiasynyń Syrtqy ister ministri Sergei Lavrov.
Resei AQSh pen NATO-dan áskeri aliansty shyǵysqa qarai keńeitpeý kepildigin talap etti. Biraq olar talapty oryndaǵan joq.
