© AP Photo / Kamran Jebreili
Reseidiń bastamasymen BUU Qaýipsizdik keńesi 22 naýryzda Máskeý túbindegi Crocus City Hall oiyn-saýyq ortalyǵynda bolǵan teraktige bailanysty málimdeme jasady, dep habarlaidy «Ult aqparat» Sputnik Qazaqstanǵa silteme jasap.
Resei Federatsiiasynyń BUU janyndaǵy Turaqty ókiliniń birinshi orynbasary Dmitrii Polianskii málimdemeniń aǵylshyn tilinen resmi emes aýdarmasyn jariialady.
"Qaýipsizdik keńesiniń músheleri 2024 jylǵy 22 naýryzda Resei Federatsiiasy, Máskeý oblysy Krasnogorsk qalasyndaǵy kontsert zalynda oryn alǵan jantúrshigerlik lańkestik áreketti qatań aiyptady", - delingen habarlamada.
BUU Qaýipsizdik keńesiniń músheleri qaza bolǵandardyń týystary men Resei halqyna kóńil aityp, zardap shekkenderdiń tezirek saýyǵyp ketýin tiledi. Olar terrorizmniń barlyq nysandary men kórinisterinde halyqaralyq beibitshilik pen qaýipsizdikke tónetin eń aýyr qaterlerdiń biri ekenin atap ótti.
"Qaýipsizdik keńesiniń músheleri qylmystyq lańkestik áreketterke kinálilerdi, uiymdastyrýshylar, demeýshilerin jaýapqa tartý qajettigin atap ótti. Olar barlyq memleketterdi rezoliýtsiiaǵa sáikes Resei Federatsiiasynyń úkimetimen, sondai-aq basqa da quzyrly organdarmen osy máselede belsendi túrde yntymaqtasýǵa shaqyrdy", - delingen qujatta.
