2021 jylǵy 7-8 sáýirde onlain formatta BUU Ekonomikalyq jáne áleýmettik keńesiniń H Jastar forýmy (EKOSOS) ótti.
Bul týraly óziniń Facebook paraqshasynda QR Aqparat jáne qoǵamdyq damý ministri Aida Balaeva jazdy, dep habarlaidy "Ult aqparat".
Forýmnyń negizgi taqyryby – «Turaqty damýdyń ekonomikalyq, áleýmettik jáne ekologiialyq aspektilerine yqpal etetin COVID-19 pandemiiasynan keiingi turaqtylyq pen ómirge tózimdilikti qaita qalpyna keltirý».
QR Aqparat jáne qoǵamdyq damý ministri Aida Balaeva óziniń beineúndeýinde Qazaqstan Prezidenti Qasym-Jomart Toqaevtyń BUU Bas Assambleiasynda aitqan Volonterlerdi jumyldyrýdyń halyqaralyq jylyn jariialaý týraly Qazaqstannyń bastamasyn qoldaýǵa shaqyrdy.
Sondai-aq, AQDM basshysy 2021 jyly ekologiialyq aǵartý salasynda birlesken jańa jobalardy júzege asyrýdy usyndy.
«Eldiń turaqty damýynyń mańyzdy negizi qoǵamnyń ekologiialyq saýatyn arttyrý, qoǵamnyń ekologiialyq mádenieti bolyp tabylady. Ministrlik 2021 jyly BUU elderiniń jastaryn tarta otyryp, «Taza planeta» birlesken ekologiialyq aktsiiasyn ótkizýdi usynady», — dedi A.Balaeva.
Sonymen qatar, ministr ózbek tarapynyń BUU alańynda jastar máseleleri boiynsha dostastyq tobyn qurý jáne BUU-nyń jastar quqyqtary týraly halyqaralyq konventsiia jobasyn ilgeriletý týraly bastamasyn Qazaqstan qoldaitynyn atap ótti.
Aita keteiik, ECOSOC Jastar forýmy - jastardyń ómirine áser etetin problemalardy sheshý máseleleri boiynsha múshe memleketter men búkil álemniń jas kóshbasshylary arasyndaǵy ashyq dialog úshin qurylǵan jahandyq alań bolyp tabylady.
