2021 جىلعى 7-8 سەۋٸردە ونلاين فورماتتا بۇۇ ەكونوميكالىق جەنە ەلەۋمەتتٸك كەڭەسٸنٸڭ ح جاستار فورۋمى (ەكوسوس) ٶتتٸ.
بۇل تۋرالى ٶزٸنٸڭ Facebook پاراقشاسىندا قر اقپارات جەنە قوعامدىق دامۋ مينيسترٸ ايدا بالاەۆا جازدى, دەپ حابارلايدى "ۇلت اقپارات".
فورۋمنىڭ نەگٸزگٸ تاقىرىبى – «تۇراقتى دامۋدىڭ ەكونوميكالىق, ەلەۋمەتتٸك جەنە ەكولوگييالىق اسپەكتٸلەرٸنە ىقپال ەتەتٸن COVID-19 پاندەميياسىنان كەيٸنگٸ تۇراقتىلىق پەن ٶمٸرگە تٶزٸمدٸلٸكتٸ قايتا قالپىنا كەلتٸرۋ».
قر اقپارات جەنە قوعامدىق دامۋ مينيسترٸ ايدا بالاەۆا ٶزٸنٸڭ بەينەٷندەۋٸندە قازاقستان پرەزيدەنتٸ قاسىم-جومارت توقاەۆتىڭ بۇۇ باس اسسامبلەياسىندا ايتقان ۆولونتەرلەردٸ جۇمىلدىرۋدىڭ حالىقارالىق جىلىن جارييالاۋ تۋرالى قازاقستاننىڭ باستاماسىن قولداۋعا شاقىردى.
سونداي-اق, اقدم باسشىسى 2021 جىلى ەكولوگييالىق اعارتۋ سالاسىندا بٸرلەسكەن جاڭا جوبالاردى جٷزەگە اسىرۋدى ۇسىندى.
«ەلدٸڭ تۇراقتى دامۋىنىڭ ماڭىزدى نەگٸزٸ قوعامنىڭ ەكولوگييالىق ساۋاتىن ارتتىرۋ, قوعامنىڭ ەكولوگييالىق مەدەنيەتٸ بولىپ تابىلادى. مينيسترلٸك 2021 جىلى بۇۇ ەلدەرٸنٸڭ جاستارىن تارتا وتىرىپ, «تازا پلانەتا» بٸرلەسكەن ەكولوگييالىق اكتسيياسىن ٶتكٸزۋدٸ ۇسىنادى», — دەدٸ ا.بالاەۆا.
سونىمەن قاتار, مينيستر ٶزبەك تاراپىنىڭ بۇۇ الاڭىندا جاستار مەسەلەلەرٸ بويىنشا دوستاستىق توبىن قۇرۋ جەنە بۇۇ-نىڭ جاستار قۇقىقتارى تۋرالى حالىقارالىق كونۆەنتسييا جوباسىن ٸلگەرٸلەتۋ تۋرالى باستاماسىن قازاقستان قولدايتىنىن اتاپ ٶتتٸ.
ايتا كەتەيٸك, ECOSOC جاستار فورۋمى - جاستاردىڭ ٶمٸرٸنە ەسەر ەتەتٸن پروبلەمالاردى شەشۋ مەسەلەلەرٸ بويىنشا مٷشە مەملەكەتتەر مەن بٷكٸل ەلەمنٸڭ جاس كٶشباسشىلارى اراسىنداعى اشىق ديالوگ ٷشٸن قۇرىلعان جاھاندىق الاڭ بولىپ تابىلادى.
