QR Ishki ister ministri Erlan Turǵymbaev BUU Damý baǵdarlamasynyń Qazaqstandaǵy turaqty ókili Iakýp Berishpen kezdesti, dep habarlaidy "Ult aqparat".
Taraptar qazaqstandyq politsiiany modernizatsiialaýdyń basym baǵyttaryn, onyń ishinde halyqtyń senimin nyǵaitý, halyqqa kórsetiletin qyzmetter sapasyn odan ári jetildirý jáne álemdik úzdik tájiribeni eskere otyryp, qyzmet kórsetý modelin keń aýqymdy ete túsý, sondai-aq Memleket basshysy Qasym-Jomart Toqaevtyń taiaýdaǵy Qazaqstan halqyna Joldaýynda kórsetilgen basqa basymdyqtardy talqylady.
«Men Qazaqstandaǵy BUU Damý baǵdarlamasyna qazaqstandyq politsiiany modernizatsiialaý isine qosqan baǵa jetpes úlesi jáne halyqaralyq saraptamalyq qoldaýy úshin alǵysymdy bildiremin», - dedi ministr Turǵymbaev kezdesý basynda.
«BUUDB Ishki ister ministrligimen qol jetkizilgen yntymaqtastyq deńgeiine óte riza. Biz úlken jumystar atqarylyp jatqanyn, aitarlyqtai nátijelerge qol jetkizilgenin jáne eń bastysy - adam jáne qazaqstandyqtar qajettilikteri ózgerister ózeginde turǵanyn kórip otyrmyz. Biz 2021-2025 jyldarǵa arnalǵan jańa eldik baǵdarlama aýyqymynda Ishki ister ministrliginiń kúsh-jigerin qoldaýdy jalǵastyra beremiz», - dedi BUU Damý baǵdarlamasy Qazaqstandaǵy turaqty ókili Iakýp Berish.
Ári qaraiǵy yntymaqtastyqty keńeitý ýchaskelik politsiia men iývenaldy politsiia qyzmetkerleri áleýetin arttyrý, turmystyq zorlyq-zombylyqqa qarsy is-qimyl jáne qyzmet kórsetetin politsiia modelin pilottyq úlgide engizý boiynsha tabysty birlesken jumys tájiribesine negizdelgen.
