Siriiada bitim ornaǵan siiaqty bolyp kóringenimen, Damask tóńiregindegi qaqtyǵystar 23 qańtarda Astanadaǵy beibit kelissózderge kedergi keltirýi múmkin. Bul týraly beisenbi kúni BUU-nyń Siriia jónindegi arnaiy ókili Staffan de Mistýra málimdedi.
Onyń aitýynsha, bitim jariialansa da, eldiń keibir aýdandaryna gýmanitarlyq kómekti áli kúnge deiin jetkizý qiyn bolyp tur.
Damask mańynda sýmen qamtý júiesi úshin atys júrip jatyr. Siriialyq ásker sý nári ornalasqan dalaǵa baqylaý ornatýǵa tyrysyp keledi. Siriia úkimetiniń málimeti boiynsha, infraqurylymnyń 70 paiyzy áskeri qimyldardan búlingen.
30 jeltoqsanda kúshine engen atysty doǵarý týraly kelisim Astanadaǵy beibit kelissózderge negiz bolýy kerek. Resei ony Túrkiia jáne Irannyń qoldaýymen ótkizgisi keledi. Siriia prezidenti Bashar Asad bul kelissózderde barlyq máseleni talqylaýǵa ázir ekenin málimdedi. Qarýly oppozitsiianyń bir bóligi Astanadaǵy kezdesýden bas tartty.
