Birikken Ulttar uiymynyń Bas hatshysy Antoniý Gýterrish Jańa jyl merekesine orai álem elderine videoquttyqtaý joldady, dep habarlaidy "Ult aqparat".
«Biz 2020 jylǵa belgisizdik pen qaýipti jaǵdaida, tamyry tereńge ketken teńsizdik pen óshpendilik órshigen, álemdegi áskeri qaqtyǵystar men Jer shary jylynyp bara jatqan mezette aiaq basqaly otyrmyz. Klimattyń ózgerýi - uzaqmerzimdi sipattaǵy problema ǵana emes, aiqyn ári tikelei qaýipke ákep soǵatyn ahýal. Jer sharyn órt sharpyp jatqan ýaqytta bos sózben qol qýsyryp otyrǵan býyn bop qalýymyzǵa jol bermeýimiz kerek», - deidi videjoldaýynda Antoniý Gýterrish.
BUU Bas hatshysy dese de áli úmit bar ekenin atap ótti.
«Men osynaý jańa jyldyq joldaýymdy osy úmittiń súienishi – búkil álem jastaryna arnaǵym keledi. Klimattyń ózgerýi men genderlik teńdikten bastap, áleýmettik ádilettilik pen adam quqyqtaryn saqtaýǵa deiingi kúreste sizdiń býyn «aldyńǵy qatarda» ári basty nazarda tur. Men sizderdiń ynta men batyldyǵyńyzǵa tamsanamyn. Sizder ádiletti túrde bolashaq qurylymyn jasaýǵa qatysýdy talap etip otyrsyzdar. Men sizderdi tolyq túsinemin. Birikken Ulttar uiymy sizderdiń jaǵyńyzda, ol - sizderdiń uiymyńyz», - deidi ol.
Antoniý Gýterrish 2020 jyly Birikken Ulttar uiymynyń qurylǵanyna 75 jyl tolatynyn eske saldy.
«Biz turaqty damý turǵysynda maqsattarǵa jetý boiynsha on jyldyq is-qimyldarǵa – ádiletti jahandaný múddesi úshin áreket josparyna kiriskeli otyrmyz. Álem jastardyń óz oiyn ashyq bildirýine muqtaj. Aýqymdy túrde oi órbitip, jańa kókjiekterdi asha berińizder. Tabandylyqty álsiretpeńizder. 2020 jyly men sizderge baqyt pen tynyshtyq tileimin. Rahmet!», - dedi BUU Bas hatshysy.
