بٸرٸككەن ۇلتتار ۇيىمىنىڭ باس حاتشىسى انتونيۋ گۋتەرريش جاڭا جىل مەرەكەسٸنە وراي ەلەم ەلدەرٸنە ۆيدەوقۇتتىقتاۋ جولدادى, دەپ حابارلايدى "ۇلت اقپارات".
«بٸز 2020 جىلعا بەلگٸسٸزدٸك پەن قاۋٸپتٸ جاعدايدا, تامىرى تەرەڭگە كەتكەن تەڭسٸزدٸك پەن ٶشپەندٸلٸك ٶرشٸگەن, ەلەمدەگٸ ەسكەري قاقتىعىستار مەن جەر شارى جىلىنىپ بارا جاتقان مەزەتتە اياق باسقالى وتىرمىز. كليماتتىڭ ٶزگەرۋٸ - ۇزاقمەرزٸمدٸ سيپاتتاعى پروبلەما عانا ەمەس, ايقىن ەرٸ تٸكەلەي قاۋٸپكە ەكەپ سوعاتىن احۋال. جەر شارىن ٶرت شارپىپ جاتقان ۋاقىتتا بوس سٶزبەن قول قۋسىرىپ وتىرعان بۋىن بوپ قالۋىمىزعا جول بەرمەۋٸمٸز كەرەك», - دەيدٸ ۆيدەجولداۋىندا انتونيۋ گۋتەرريش.
بۇۇ باس حاتشىسى دەسە دە ەلٸ ٷمٸت بار ەكەنٸن اتاپ ٶتتٸ.
«مەن وسىناۋ جاڭا جىلدىق جولداۋىمدى وسى ٷمٸتتٸڭ سٷيەنٸشٸ – بٷكٸل ەلەم جاستارىنا ارناعىم كەلەدٸ. كليماتتىڭ ٶزگەرۋٸ مەن گەندەرلٸك تەڭدٸكتەن باستاپ, ەلەۋمەتتٸك ەدٸلەتتٸلٸك پەن ادام قۇقىقتارىن ساقتاۋعا دەيٸنگٸ كٷرەستە سٸزدٸڭ بۋىن «الدىڭعى قاتاردا» ەرٸ باستى نازاردا تۇر. مەن سٸزدەردٸڭ ىنتا مەن باتىلدىعىڭىزعا تامسانامىن. سٸزدەر ەدٸلەتتٸ تٷردە بولاشاق قۇرىلىمىن جاساۋعا قاتىسۋدى تالاپ ەتٸپ وتىرسىزدار. مەن سٸزدەردٸ تولىق تٷسٸنەمٸن. بٸرٸككەن ۇلتتار ۇيىمى سٸزدەردٸڭ جاعىڭىزدا, ول - سٸزدەردٸڭ ۇيىمىڭىز», - دەيدٸ ول.
انتونيۋ گۋتەرريش 2020 جىلى بٸرٸككەن ۇلتتار ۇيىمىنىڭ قۇرىلعانىنا 75 جىل تولاتىنىن ەسكە سالدى.
«بٸز تۇراقتى دامۋ تۇرعىسىندا ماقساتتارعا جەتۋ بويىنشا ون جىلدىق ٸس-قيمىلدارعا – ەدٸلەتتٸ جاھاندانۋ مٷددەسٸ ٷشٸن ەرەكەت جوسپارىنا كٸرٸسكەلٸ وتىرمىز. ەلەم جاستاردىڭ ٶز ويىن اشىق بٸلدٸرۋٸنە مۇقتاج. اۋقىمدى تٷردە وي ٶربٸتٸپ, جاڭا كٶكجيەكتەردٸ اشا بەرٸڭٸزدەر. تاباندىلىقتى ەلسٸرەتپەڭٸزدەر. 2020 جىلى مەن سٸزدەرگە باقىت پەن تىنىشتىق تٸلەيمٸن. راحمەت!», - دەدٸ بۇۇ باس حاتشىسى.
