BUU bas hatshysy Antoniý Gýterrish Kievte júrgen ýaqytta ýkrain astanasyna birneshe zymyran qulady. Ýkraina biliginiń aitýynsha, qalaǵa Resei zymyrandary túsken. Alty adamnyń zardap shekkeni aitylady.
BUU bas hatshysynyń saparyndaǵy negizgi másele – Ýkrainanyń Mariýpol qalasyndaǵy azamattardy evakýatsiialaý isin uiymdastyrý.
Ýkraina prezidenti keńsesiniń keńesshisi Mihail Podoliak BUU hatshysy kezinde jasalǵan shabýyl týraly mynadai pikir bildirdi:
"Antoniý Gýtterishtiń resmi sapary kezinde Kievti zymyranmen atqylaý. Bir kún buryn ol Kremlde uzyn ústeldiń basynda otyr edi, búgin odan bir shaqyrym jerde jarylys boldy. Máskeýdiń sálemi me? Resei BUU Qaýipsizdik keńesindegi ornyn qalai saqtap otyrǵanyn eske salyńyzdarshy?".
BUU bas hatshysy Antoniý Gýterrishtiń Ýkrainaǵa saparynda Mariýpol qalasynyń beibit turǵyndaryn evakýatsiialaý máselesi sóz boldy.
Kievte Ýkraina prezidenti Vladimir Zelenskiimen birge ótkizgen baspasóz konferentsiiasynda Gýterrish Mariýpolde orys áskeriniń qorshaýynda qalǵan "Azovstal" zaýytyndaǵy adamdardy qutqarý úshin bar kúshin salatynyn málimdedi. Ol beibit turǵyndardy evakýatsiialaý jónindegi kelissózderdiń mán-jaiyn jariialamady, óitkeni onyń úzilip ketýinen seskenedi. Degenmen Gýterrish Máskeýge saparynda Resei prezidenti Vladimir Pýtin beibit turǵyndardy zaýyttan shyǵarýǵa BUU men Qysyl Krest uiymdaryn qatystyrýǵa kelisim berdi dep málimdedi.
Alaida Kremldiń baspasóz hatshysy Dmitrii Peskov "Azovstal" zaýytyndaǵy adamdardy evakýatsiialaý jónindegi kelissózdi joqqa shyǵaryp otyr.
"Azovstal" zaýyty - Mariýpol qalasynda orys basqynshylyǵyna qarsy kúresin toqtatpaǵan sońǵy atys oshaǵy. Qalada urys bastalǵanyna eki ai boldy. Iri zaýyt ǵimaratynda qarýly jaýyngerler, birneshe júz jaraly adam, sonymen birge beibit turǵyndar bas saýǵalap otyr. Ýkraina zaýyttaǵylardy Kiev baqylaýyndaǵy aýmaqtarǵa evakýatsiialaýdy talap etse, Resei biligi áskerilerdiń berilgenin, al beibit turǵyndardyń orys áskeri baqylaýyndaǵy aýmaqtarǵa ótýin qalaidy.
Gýterrish Ýkrainaǵa sapary kezinde Kiev túbindegi Býcha, Irpen jáne Borodianka qalalaryn da aralady. Munda kóptegen beibit turǵyn opat bolǵan. Ol Resei kúshteriniń áskeri qylmystary Halyqaralyq qylmystyq sotta qaralǵanyn qoldady. BUU bas hatshysy Resei áreketin synap, Ýkrainanyń tutastyǵyn jaqtady.
