بۇۇ باس حاتشىسى انتونيۋ گۋتەرريش كيەۆتە جٷرگەن ۋاقىتتا ۋكراين استاناسىنا بٸرنەشە زىمىران قۇلادى. ۋكراينا بيلٸگٸنٸڭ ايتۋىنشا, قالاعا رەسەي زىمىراندارى تٷسكەن. التى ادامنىڭ زارداپ شەككەنٸ ايتىلادى.
بۇۇ باس حاتشىسىنىڭ ساپارىنداعى نەگٸزگٸ مەسەلە – ۋكراينانىڭ ماريۋپول قالاسىنداعى ازاماتتاردى ەۆاكۋاتسييالاۋ ٸسٸن ۇيىمداستىرۋ.
ۋكراينا پرەزيدەنتٸ كەڭسەسٸنٸڭ كەڭەسشٸسٸ ميحايل پودولياك بۇۇ حاتشىسى كەزٸندە جاسالعان شابۋىل تۋرالى مىناداي پٸكٸر بٸلدٸردٸ:
"انتونيۋ گۋتتەريشتٸڭ رەسمي ساپارى كەزٸندە كيەۆتٸ زىمىرانمەن اتقىلاۋ. بٸر كٷن بۇرىن ول كرەملدە ۇزىن ٷستەلدٸڭ باسىندا وتىر ەدٸ, بٷگٸن ودان بٸر شاقىرىم جەردە جارىلىس بولدى. مەسكەۋدٸڭ سەلەمٸ مە? رەسەي بۇۇ قاۋٸپسٸزدٸك كەڭەسٸندەگٸ ورنىن قالاي ساقتاپ وتىرعانىن ەسكە سالىڭىزدارشى?".
بۇۇ باس حاتشىسى انتونيۋ گۋتەرريشتٸڭ ۋكرايناعا ساپارىندا ماريۋپول قالاسىنىڭ بەيبٸت تۇرعىندارىن ەۆاكۋاتسييالاۋ مەسەلەسٸ سٶز بولدى.
كيەۆتە ۋكراينا پرەزيدەنتٸ ۆلاديمير زەلەنسكييمەن بٸرگە ٶتكٸزگەن باسپاسٶز كونفەرەنتسيياسىندا گۋتەرريش ماريۋپولدە ورىس ەسكەرٸنٸڭ قورشاۋىندا قالعان "ازوۆستال" زاۋىتىنداعى ادامداردى قۇتقارۋ ٷشٸن بار كٷشٸن سالاتىنىن مەلٸمدەدٸ. ول بەيبٸت تۇرعىنداردى ەۆاكۋاتسييالاۋ جٶنٸندەگٸ كەلٸسسٶزدەردٸڭ مەن-جايىن جارييالامادى, ٶيتكەنٸ ونىڭ ٷزٸلٸپ كەتۋٸنەن سەسكەنەدٸ. دەگەنمەن گۋتەرريش مەسكەۋگە ساپارىندا رەسەي پرەزيدەنتٸ ۆلاديمير پۋتين بەيبٸت تۇرعىنداردى زاۋىتتان شىعارۋعا بۇۇ مەن قىسىل كرەست ۇيىمدارىن قاتىستىرۋعا كەلٸسٸم بەردٸ دەپ مەلٸمدەدٸ.
الايدا كرەملدٸڭ باسپاسٶز حاتشىسى دميتريي پەسكوۆ "ازوۆستال" زاۋىتىنداعى ادامداردى ەۆاكۋاتسييالاۋ جٶنٸندەگٸ كەلٸسسٶزدٸ جوققا شىعارىپ وتىر.
"ازوۆستال" زاۋىتى - ماريۋپول قالاسىندا ورىس باسقىنشىلىعىنا قارسى كٷرەسٸن توقتاتپاعان سوڭعى اتىس وشاعى. قالادا ۇرىس باستالعانىنا ەكٸ اي بولدى. ٸرٸ زاۋىت عيماراتىندا قارۋلى جاۋىنگەرلەر, بٸرنەشە جٷز جارالى ادام, سونىمەن بٸرگە بەيبٸت تۇرعىندار باس ساۋعالاپ وتىر. ۋكراينا زاۋىتتاعىلاردى كيەۆ باقىلاۋىنداعى اۋماقتارعا ەۆاكۋاتسييالاۋدى تالاپ ەتسە, رەسەي بيلٸگٸ ەسكەريلەردٸڭ بەرٸلگەنٸن, ال بەيبٸت تۇرعىنداردىڭ ورىس ەسكەرٸ باقىلاۋىنداعى اۋماقتارعا ٶتۋٸن قالايدى.
گۋتەرريش ۋكرايناعا ساپارى كەزٸندە كيەۆ تٷبٸندەگٸ بۋچا, يرپەن جەنە بوروديانكا قالالارىن دا ارالادى. مۇندا كٶپتەگەن بەيبٸت تۇرعىن وپات بولعان. ول رەسەي كٷشتەرٸنٸڭ ەسكەري قىلمىستارى حالىقارالىق قىلمىستىق سوتتا قارالعانىن قولدادى. بۇۇ باس حاتشىسى رەسەي ەرەكەتٸن سىناپ, ۋكراينانىڭ تۇتاستىعىن جاقتادى.
