BUU Bas Assambleiasynyń tóraǵasy Volkan Bozkyr myrza biylǵy 8-9 shilde aralyǵynda Ortalyq Aziia boiynsha sholýy sheńberinde Qazaqstanǵa resmi sapar shegedi, dep habarlaidy "Ult aqparat" BUU baspasóz qyzmetine silteme jasap.
Sapar barysynda Qazaqstan Respýblikasynyń Prezidenti Q.Q. Toqaev, Qazaqstan Respýblikasy Premer-Ministriniń orynbasary - Syrtqy ister ministri M.B. Tileýberdi, Qazaqstan Respýblikasy Parlamenti Senatynyń Tóraǵasy M.S. Áshimbaev, sondai-aq BUU-nyń Qazaqstandaǵy eldik tobymen kezdesý josparlanyp otyr.
BUU Bas Assambleiasynyń 75-sessiiasynyń tóraǵasy bolyp sailanǵan túrik diplomaty Volkan Bozkyr BUU buryn-sońdy bolmaǵan koronavirýs pandemiiasymen kúresip, óziniń damýynyń strategiialyq baǵytyn damytýdyń syndarly sátinde qyzmetine kiristi.
50 jylǵa jýyq tájiribesi bar memlekettik qyzmetshi Bozkyr myrza Batys Eýropa jáne basqa elder tobynan sailandy. Volkan Bozkyr nigeriialyq Tidjani Mýhammad-Bandeniń ornyna BUU Bas Assambleiasynyń tóraǵasy boldy.
BUU Bas Assambleia 75-shi sessiiasynyń basym baǵyttary - COVID-19 qarsy kúres, kópjaqtylyq qaǵidatyna adaldyqty rastaý, gýmanitarlyq kún tártibin alǵa tartý, genderlik teńdik máseleleri, sondai-aq 2030 kún tártibin júzege asyrý.
Volkan Bozkyr 2020 jylǵy 17 maýsymda BUU Bas Assambleiasy 75-sessiiasynda tóraǵa bolyp sailandy. Bas Assambleianyń 75-shi sessiiasy 2020 jyldyń qyrkúieginen 2021 jyldyń qyrkúiegine deiin jalǵasady.
Bozkyr myrza Ankara ýniversitetinde zańgerlik bilim aldy. 1972 jyldan beri ol diplomatiialyq qyzmette. Birqatar joǵary diplomatiialyq laýazymdarda bolǵan: Túrkiianyń Niý-Iorktegi Bas konsýly, Rýmyniiadaǵy elshisi jáne Túrkiianyń EO-daǵy turaqty ókili.
Bozkyr myrza 2011 jyly tuńǵysh ret Parlament depýtaty, sodan keiin kelesi úsh parlamenttik sailaýda depýtat bolyp sailandy.
Parlament depýtaty bolǵan toǵyz jyl ishinde ol Syrtqy ister komitetiniń tóraǵasy, Túrkiia-AQSh parlamentteri arasyndaǵy dostyq tobynyń tóraǵasy jáne Túrkiia-Resei qoǵamdyq forýmynyń tóraǵasy boldy.
2014 jyldyń tamyzynda ol Eýropalyq Odaq isteri ministri jáne kelissózder úderisine jaýapty bolyp taǵaiyndaldy jáne bul qyzmette 2016 jyldyń maýsymyna deiin boldy.
2018 jyldyń shilde aiynda ol tórtinshi ret Túrkiia Uly Ulttyq Májilisi Halyqaralyq ister komitetiniń tóraǵasy bolyp sailandy.
Ol sonymen birge Túrkiia-Avstraliia parlamentaralyq dostyq tobyn basqarýda.
