Foto: img200-rus.redtram.com
Adamzat 2030 jylǵa qarai ashtyqtan qutylamyz degen maqsatynan alshaqtap barady. BUU sarapshylary osyndai qorytyndy jasady, sebebi byltyr álemde 830 millionǵa jýyq adam azyqpen jetkilikti qamtylmaǵan, bul - jer sharyndaǵy halyqtyń 10 paiyzy, dep habarlaidy QazAqparat Euronews agenttigine silteme jasap.
2020 jylmen salystyrǵanda ashtyqqa ushyraǵandar sany 46 millionǵa artty.
Jalpy, pandemiia bastalǵannan beri azyq-túlik jetispeýshiliginen zardap shekkender sany 150 millionǵa ósken.
«Biz kedeishiliktiń shegine jetip qalǵanyn kórip otyrmyz, onymen kúresý úshin ondaǵan jyldar boiy júrgizilgen kúsh-jiger bosqa ketti. Álemde bailar men kedeiler arasyndaǵy alshaqtyq ulǵaiyp barady. Erekshe alańdaýshylyq týdyratyn jait - adamdardyń qalypty tamaqtanýǵa múmkindigi joqtyǵy», - dedi Azyq-túlik jáne aýyl sharýashylyǵy uiymynyń (FAO) bas ekonomisi Maksimo Torero.
Azyq-túliktiń jetispeýshiligi Aziia, Afrika, Latyn Amerikasy jáne Karib basseininde baiqaldy.
Qazir álemde jaǵdai kúrt nasharlady. Eger ózgeris bolmasa, 2030 jyly 670 million adam ashtyqqa ushyraidy, bul - shamamen 2015 jylǵy kórsetkishpen teń.
