Birikken Ulttar Uiymynyń Bas Assambleiasy 4 aqpan kúnin adamzat baýyrlastyǵynyń halyqaralyq kúni dep jariialaǵan qarar qabyldady, dep habarlaidy WAM aqparattyq agenttigi.
Seisenbi kúni BUU Bas Assambleiasy Birikken Arab Ámirlikteri, Bahrein, Mysyr jáne Saýd Arabiiasynyń bastamasy boiynsha 4 aqpan kúnin adamzat baýyrlastyǵynyń halyqaralyq kúni dep belgilegen qarar qabyldady. Bul qujat dinaralyq jáne mádenietaralyq dialogqa járdemdesýge baǵyttalǵan.
Al data bolsa, 2019 jyldyń 4 aqpanynda Ábý-Dabide eń kóne jáne eń bedeldi islam ýniversiteti Ál-Azhardyń joǵarǵy imamy, sheih Ahmed ál-Taiib jáne Rim katolik shirkeýiniń Papasy Frantsisktiń «Búkil álemde beibitshilik pen birlesken ómir úshin adamzat baýyrlastyǵy týraly qujatqa» qol qoiýyna bailanysty tańdalǵan.
Qarar qabyldanǵan kúnniń aldynda BAÁ-niń BUU-daǵy Elshisi men turaqty ókili Lana Nýsseibe: «Sońǵy ýaqytta álemde zorlyq, óshpendilikti qozdyrý, ksenofobiia, dini fanatizm jáne kemsitýshiliktiń ózge de formalarynyń kúrt ósýi baiqalyp otyr. Biz osyndai transulttyq qaýipterge qarsy adamdar arasynda «adamzat baýyrlastyǵy» rýhyndaǵy niettestik pen birlikti kótermeleitin bastamalardy qoldaýymyz qajet.
Adamzat baýyrlastyǵynyń Joǵarǵy komitetindegi (HCHF) Bas hatshy Gýdje Mohamed Ábdelsalam óz kezeginde bul búkil álemniń jaýapkershiligine ainalǵanyn atap ótti.
Qarardyń birlesken avtorlary retinde BUU-ǵa múshe 34 memleket qosyldy.
