Almatyda Býtakovka shatqalynda aǵashtardy zańcyz kesken azamat anyqtaldy, dep habarlaidy QazAqparat.
Almaty qalalyq Jasyl ekonomika basqarmasynyń málimetinshe, basqarmaǵa áleýmettik jeliler arqyly Býtakovkada aǵashtardyń kesilip jatqandyǵy týraly aqparat kelip tústi.
Basqarma mamandary atalǵan jerge baryp, S.Dolmatov esimdi azamattyń jer telimin josparlaý jumystaryn júrgizý kezinde 5 aǵashty kesip tastaǵanyn anyqtady.
«Osyǵan orai quqyq buzýshyǵa qatysty ákimshilik hattama toltyrylyp, jiyrma ese kóp aǵash otyrǵyzý týraly kepilhat alyndy», - dep habarlady basqarmadan.
Sonymen qatar, Ile-Alataýy memlekettik ulttyq tabiǵi parkiniń aqparatyna sáikes, erekshe qorǵalatyn jasyl jelek qoryn retteý tártibi atalǵan Erejede qarastyrylmaǵan.
Bul jerde jumystar Orman kodeksi men orman qoryn kesý erejelerine sáikes júrgiziledi.
