Sybailas jemqorlyq úshin sottalǵan burynǵy Qarjy vitse-ministri Rýslan Eńsebaev úkim shyqqan kúnnen 81 kún ótkennen keiin bostandyqqa shyqty, - dep habarlaidy Tengrinews.kz agenttigi "Habar 24" telearnasyna silteme jasap.
"Rýslan Eńsebaev bir million 200 myń teńge para alǵany úshin kináli dep tanyldy. Sot ony tórt jylǵa bas bostandyǵynan aiyrdy. Biraq 2,5 aidan keiin sot jazany ózgertip, eks-sheneýnikke 66 million teńge aiyppul tóleýge úkim shyǵardy. Sheshimdi elordalyq sottyń qylmystyq ister jónindegi alqasy qabyldady", - dep habarlady telearna.
Eske salaiyq, Rýslan Eńsebaevqa úkim 2021 jylǵy 23 qyrkúiekte shyqty. QR Qylmystyq kodekstiń 366-baby 2-bóliginde kózdelgen qylmystyq quqyqbuzýshylyqty jasaǵany úshin kináli dep tanyldy. Ómir boiyna memlekettik qyzmette laýazymdardy atqarý quqyǵynan aiyra otyryp, qylmystyq-atqarý júiesiniń ortasha qaýipsizdik mekemelerinde óteýge tórt jyl merzimge bas bostandyǵynan aiyrý jazasy taǵaiyndaldy.
