سىبايلاس جەمقورلىق ٷشٸن سوتتالعان بۇرىنعى قارجى ۆيتسە-مينيسترٸ رۋسلان ەڭسەباەۆ ٷكٸم شىققان كٷننەن 81 كٷن ٶتكەننەن كەيٸن بوستاندىققا شىقتى, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
"رۋسلان ەڭسەباەۆ بٸر ميلليون 200 مىڭ تەڭگە پارا العانى ٷشٸن كٸنەلٸ دەپ تانىلدى. سوت ونى تٶرت جىلعا باس بوستاندىعىنان ايىردى. بٸراق 2,5 ايدان كەيٸن سوت جازانى ٶزگەرتٸپ, ەكس-شەنەۋنٸككە 66 ميلليون تەڭگە ايىپپۇل تٶلەۋگە ٷكٸم شىعاردى. شەشٸمدٸ ەلوردالىق سوتتىڭ قىلمىستىق ٸستەر جٶنٸندەگٸ القاسى قابىلدادى", - دەپ حابارلادى تەلەارنا.
ەسكە سالايىق, رۋسلان ەڭسەباەۆقا ٷكٸم 2021 جىلعى 23 قىركٷيەكتە شىقتى. قر قىلمىستىق كودەكستٸڭ 366-بابى 2-بٶلٸگٸندە كٶزدەلگەن قىلمىستىق قۇقىقبۇزۋشىلىقتى جاساعانى ٷشٸن كٸنەلٸ دەپ تانىلدى. ٶمٸر بويىنا مەملەكەتتٸك قىزمەتتە لاۋازىمداردى اتقارۋ قۇقىعىنان ايىرا وتىرىپ, قىلمىستىق-اتقارۋ جٷيەسٸنٸڭ ورتاشا قاۋٸپسٸزدٸك مەكەمەلەرٸندە ٶتەۋگە تٶرت جىل مەرزٸمگە باس بوستاندىعىنان ايىرۋ جازاسى تاعايىندالدى.
