Qaraǵandy oblystyq sotynyń appeliatsiialyq alqasy burynǵy energetika vitse-ministri Anatolii Shkarýpanyń shaǵymyn qanaǵattandyrmady, dep habarlaidy "Ult aqparat".
Anatolii Shkarýpanyń qorǵaýshysy tergeý izoliatorynan bosatý jáne isti Nur-Sultan qalalyq sotyna berý týraly ótinishpen júgingen. Óitkeni Saran qalasyna jylý eseptegish qondyrǵylaryn ornatý boiynsha qarajat respýblikalyq biýdjetten bólingen. Burynǵy energetika vitse-ministriniń ýaqytsha ustaý izoliatorynda otyrǵanyna bir jyldan asty.
Alaida oblystyq sot alqasy onyń barlyq ótinishterin qabyldamady. Qaraǵandy oblystyq sotynyń baspasóz qyzmetinen habarlaǵandai, Shkarýpany qamaýda ustaý merzimi buzylmaǵan.
«Ustaý merzimderi kúdikti qamaýǵa alynǵan sátten bastap tergeý amaldarynyń aiaqtalǵanyna, is materialdarymen tanysý quqyǵy túsindirilgenge deiin esepteledi. Kúdiktiniń ózi jáne onyń qorǵaýshysynyń qylmystyq istiń materialdarymen tanysqan kezde ustalǵany QPK 151-babynyń birinshi jáne tórtinshi bólikteri boiynsha belgilengen merzimge kirmeidi. Biraq sot úkim shyǵarǵan kezde ol merzimdi báribir eskeredi», - dep habarlaidy oblystyq sottyń baspasóz qyzmetinen.
Sottyń málimetinshe, Anatolii Shkarýpaǵa qatysty qylmystyq is sotqa 2019 jyldyń 6 qarashasynda túsken. Osy sátten bastap sottalýshylar sotta tizimdeledi. Shkarýpany qamaýǵa alý merzimi aiaqtalǵan joq.
Sondai-aq, oblys ákiminiń burynǵy orynbasarynyń isti elordadaǵy sotqa berý týraly ekinshi ótinishi de qanaǵattandyrylmady.
«Qylmystyq protsessýaldyq kodekstiń 314-baby 2,3-tarmaǵynyń talaptaryna sáikes, eger qylmystyq quqyq buzýshylyq bir sottyń qyzmet ornynda bastalyp, basqa sottyń áreket etý ornynda aiaqtalsa, is tergeý aiaqtalǵan jerde qaralýǵa jatady. Tergeý aiaqtalǵan jer – aiyptaý úkimi shyǵarylǵan oryn. Aiyptaý úkimi Qazybek bi aýdandyq sotynyń qaraýyna jatatyn Qaraǵandy qalasyndaǵy Qaraǵandy oblysy prokýratýrasynyń arnaiy prokýratýrasy ǵimaratynda jasaldy. Sondyqtan qylmystyq is zańdy túrde atalǵan sotqa jiberilgen», - dep túsindirdi sotta.
Eske salaiyq, Qaraǵandy oblysyndaǵy Saran qalasynyń sotynda 15 qarashada Energetika vitse-ministri Anatolii Shkarýpanyń,Turǵyn úi kommýnaldyq sharýashylyǵyny damytý qory basqarma tóraǵasynyń burynǵy mindetin atqarýshysy Qaisar Baidaly men «Energo» JShS direktory Erlan Nábievtiń ústinen iri mólsherde qarajat jymqyrdy degen aiyp boiynsha sot tyńdaýy bastalǵan edi.
