Aqtóbe oblysynda burynǵy tanysyn intimdik sipattaǵy beinejazbalardy taratamyn dep qorqytyp, psihologiialyq qysym kórsetti degen kúdikpen 38 jastaǵy er adam ustaldy, dep habarlaidy ult.kz.
Politsiianyń málimetinshe, Aqtóbe qalasynyń turǵyny quqyq qorǵaý organdaryna aryzdanyp, buryn qarym-qatynasta bolǵan er adamnyń onyń kelisiminsiz túsirilgen intimdik beinejazbalardy jariialaimyn dep bopsalap júrgenin habarlaǵan.
Atalǵan derek boiynsha jeke ómirge qol suǵýshylyq belgilerimen sotqa deiingi tergep-tekserý bastaldy. Kúdikti ýaqytsha ustaý izoliatoryna qamaldy.
Oblystyq politsiia departamentiniń baspasóz hatshysy Erbolat Sarqulovtyń aitýynsha, qazir oqiǵanyń barlyq mán-jaiyn anyqtaý jáne kúdiktiniń basqa da zańsyz áreketterge qatysy bar-joǵyn tekserý úshin tergeý amaldary júrgizilip jatyr.
Politsiia azamattarǵa jeke ómirge qatysty málimetterdi taratý nemese ony taratamyn dep qorqytý zańmen qýdalanatynyn eske salyp, mundai jaǵdaiǵa tap bolǵan jaǵdaida birden quqyq qorǵaý organdaryna júginýge shaqyrdy.
