اقتٶبە وبلىسىندا بۇرىنعى تانىسىن ينتيمدٸك سيپاتتاعى بەينەجازبالاردى تاراتامىن دەپ قورقىتىپ, پسيحولوگييالىق قىسىم كٶرسەتتٸ دەگەن كٷدٸكپەن 38 جاستاعى ەر ادام ۇستالدى, دەپ حابارلايدى ult.kz.
پوليتسييانىڭ مەلٸمەتٸنشە, اقتٶبە قالاسىنىڭ تۇرعىنى قۇقىق قورعاۋ ورگاندارىنا ارىزدانىپ, بۇرىن قارىم-قاتىناستا بولعان ەر ادامنىڭ ونىڭ كەلٸسٸمٸنسٸز تٷسٸرٸلگەن ينتيمدٸك بەينەجازبالاردى جارييالايمىن دەپ بوپسالاپ جٷرگەنٸن حابارلاعان.
اتالعان دەرەك بويىنشا جەكە ٶمٸرگە قول سۇعۋشىلىق بەلگٸلەرٸمەن سوتقا دەيٸنگٸ تەرگەپ-تەكسەرۋ باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
وبلىستىق پوليتسييا دەپارتامەنتٸنٸڭ باسپاسٶز حاتشىسى ەربولات سارقۇلوۆتىڭ ايتۋىنشا, قازٸر وقيعانىڭ بارلىق مەن-جايىن انىقتاۋ جەنە كٷدٸكتٸنٸڭ باسقا دا زاڭسىز ەرەكەتتەرگە قاتىسى بار-جوعىن تەكسەرۋ ٷشٸن تەرگەۋ امالدارى جٷرگٸزٸلٸپ جاتىر.
پوليتسييا ازاماتتارعا جەكە ٶمٸرگە قاتىستى مەلٸمەتتەردٸ تاراتۋ نەمەسە ونى تاراتامىن دەپ قورقىتۋ زاڭمەن قۋدالاناتىنىن ەسكە سالىپ, مۇنداي جاعدايعا تاپ بولعان جاعدايدا بٸردەن قۇقىق قورعاۋ ورگاندارىنا جٷگٸنۋگە شاقىردى.
