Túrkiianyń Adana qalasynda qaiǵyly otbasylyq oqiǵa boldy. Jergilikti buqaralyq aqparat quraldarynyń málimetinshe, 52 jastaǵy burynǵy politsiia qyzmetkeri janjal kezinde 23 jastaǵy ulyn atyp óltirgen, dep habarlaidy ult.kz.
Aldyn ala aqparat boiynsha, esirtkige táýeldi bolǵany aitylǵan jas jigit ákesinen aqsha suraǵan. Ákesi bas tartqannan keiin olardyń arasynda janjal týyndaǵan.
BAQ málimetinshe, daý barysynda uly ákesine pyshaqpen shabýyl jasaýǵa árekettengen. Osydan keiin er adam tapanshamen oq atqan.
Oqiǵadan soń burynǵy politsei quqyq qorǵaý organdaryna ózi habarlasyp, tártip saqshylary kelgenshe ulynyń máiitiniń janynda kútken.
Qazir atalǵan fakti boiynsha tergeý júrgizilip, oqiǵanyń barlyq mán-jaiy anyqtalýda.
