Burynǵy Syrtqy ister ministri Qairat Ábdirahmanov taiaý ýaqytta elshi qyzmetine taǵaiyndalýy múmkin. Bul týraly búgin Parlament Senatynda tilshilerge Syrtqy ister ministri Beibit Atamqulov aitty, dep habarlaidy "Ult aqparat".
«Qairat Qudaibergenuly ári qarai diplomatiialyq jumysty jalǵastyrý sheshimin jasady. Jaqyn arada onyń memleketterdiń birine taǵaiyndalýyn (elshi qyzmetine) kútip otyrmyz», - dedi B. Atamqulov.
Aita keteiik, Memleket basshysynyń Jarlyǵymen Qairat Qudaibergenuly Ábdirahmanov basqa jumysqa aýysýyna bailanysty QR Syrtqy ister ministri qyzmetinen bosatylǵan edi.
Sonymen qatar 2018 jylǵy jeltoqsannyń sońynda Qazaqstannyń jańa Syrtqy ister ministri qyzmetine Beibit Atamqulov taǵaiyndaldy.
Kóp uzamai Memleket basshysy Nursultan Nazarbaev BAQ ókilderimen kezdesý barysynda Beibit Atamqulovtyń jańa qyzmetke taǵaiyndalýynyń sebebin túsindirdi.
