بۇرىنعى سىرتقى ٸستەر مينيسترٸ قايرات ەبدٸراحمانوۆ تاياۋ ۋاقىتتا ەلشٸ قىزمەتٸنە تاعايىندالۋى مٷمكٸن. بۇل تۋرالى بٷگٸن پارلامەنت سەناتىندا تٸلشٸلەرگە سىرتقى ٸستەر مينيسترٸ بەيبٸت اتامقۇلوۆ ايتتى, دەپ حابارلايدى "ۇلت اقپارات".
«قايرات قۇدايبەرگەنۇلى ەرٸ قاراي ديپلوماتييالىق جۇمىستى جالعاستىرۋ شەشٸمٸن جاسادى. جاقىن ارادا ونىڭ مەملەكەتتەردٸڭ بٸرٸنە تاعايىندالۋىن (ەلشٸ قىزمەتٸنە) كٷتٸپ وتىرمىز», - دەدٸ ب. اتامقۇلوۆ.
ايتا كەتەيٸك, مەملەكەت باسشىسىنىڭ جارلىعىمەن قايرات قۇدايبەرگەنۇلى ەبدٸراحمانوۆ باسقا جۇمىسقا اۋىسۋىنا بايلانىستى قر سىرتقى ٸستەر مينيسترٸ قىزمەتٸنەن بوساتىلعان ەدٸ.
سونىمەن قاتار 2018 جىلعى جەلتوقساننىڭ سوڭىندا قازاقستاننىڭ جاڭا سىرتقى ٸستەر مينيسترٸ قىزمەتٸنە بەيبٸت اتامقۇلوۆ تاعايىندالدى.
كٶپ ۇزاماي مەملەكەت باسشىسى نۇرسۇلتان نازارباەۆ باق ٶكٸلدەرٸمەن كەزدەسۋ بارىسىندا بەيبٸت اتامقۇلوۆتىڭ جاڭا قىزمەتكە تاعايىندالۋىنىڭ سەبەبٸن تٷسٸندٸردٸ.
