Foto: Qorǵanys ministrliginiń baspasóz qyzmeti
Eks-qorǵanys ministri Murat Bektanovqa qatysty sot úkimi shyqty. Bul týraly Qylmystyq ister jónindegi mamandandyrylǵan aýdanaralyq áskeri soty BaigeNews.kz agenttigine habarlady.
"M. Bektanov Qylmystyq ister jónindegi mamandandyrylǵan aýdanaralyq áskeri sotynyń 24.02.2023 jylǵy úkimimen QR Qylmystyq kodeksiniń 451-babynyń 3-bóligi boiynsha sottaldy, oǵan eń joǵary qaýipsizdik qylmystyq - atqarý júiesi mekemesinde jazasyn ótei otyryp, 12 jyl merzimge bas bostandyǵynan aiyrý túrindegi jaza taǵaiyndaldy", - dep habarlady sot.
Sot istiń "qupiia" qaralǵanyn aityp, tolyq aqparat bermegen.
Esterińizge sala keteiik, qorǵanys ministrliginiń burynǵy basshysyna qatysty tergeý 2022 jyldyń 19 aqpanynda "qyzmettegi áreketsizdik faktisi boiynsha" bastaldy. Buǵan deiin ony Prezident qańtar oqiǵasy kezindegi áreketsizdigi úshin synǵa alǵan bolatyn. Bas prokýror Berik Asylov eks-qorǵanys ministriniń "zańsyz buiryqtar berip, áskeri strategiialyq nysandardy qorǵaýsyz qaldyrǵanyn" jáne "áskeri jaǵdaida óz biligin asyra paidalanǵanyn" aitty.
