فوتو: قورعانىس مينيسترلٸگٸنٸڭ باسپاسٶز قىزمەتٸ
ەكس-قورعانىس مينيسترٸ مۇرات بەكتانوۆقا قاتىستى سوت ٷكٸمٸ شىقتى. بۇل تۋرالى قىلمىستىق ٸستەر جٶنٸندەگٸ مامانداندىرىلعان اۋدانارالىق ەسكەري سوتى BaigeNews.kz اگەنتتٸگٸنە حابارلادى.
"م. بەكتانوۆ قىلمىستىق ٸستەر جٶنٸندەگٸ مامانداندىرىلعان اۋدانارالىق ەسكەري سوتىنىڭ 24.02.2023 جىلعى ٷكٸمٸمەن قر قىلمىستىق كودەكسٸنٸڭ 451-بابىنىڭ 3-بٶلٸگٸ بويىنشا سوتتالدى, وعان ەڭ جوعارى قاۋٸپسٸزدٸك قىلمىستىق - اتقارۋ جٷيەسٸ مەكەمەسٸندە جازاسىن ٶتەي وتىرىپ, 12 جىل مەرزٸمگە باس بوستاندىعىنان ايىرۋ تٷرٸندەگٸ جازا تاعايىندالدى", - دەپ حابارلادى سوت.
سوت ٸستٸڭ "قۇپييا" قارالعانىن ايتىپ, تولىق اقپارات بەرمەگەن.
ەستەرٸڭٸزگە سالا كەتەيٸك, قورعانىس مينيسترلٸگٸنٸڭ بۇرىنعى باسشىسىنا قاتىستى تەرگەۋ 2022 جىلدىڭ 19 اقپانىندا "قىزمەتتەگٸ ەرەكەتسٸزدٸك فاكتٸسٸ بويىنشا" باستالدى. بۇعان دەيٸن ونى پرەزيدەنت قاڭتار وقيعاسى كەزٸندەگٸ ەرەكەتسٸزدٸگٸ ٷشٸن سىنعا العان بولاتىن. باس پروكۋرور بەرٸك اسىلوۆ ەكس-قورعانىس مينيسترٸنٸڭ "زاڭسىز بۇيرىقتار بەرٸپ, ەسكەري ستراتەگييالىق نىسانداردى قورعاۋسىز قالدىرعانىن" جەنە "ەسكەري جاعدايدا ٶز بيلٸگٸن اسىرا پايدالانعانىن" ايتتى.
