Qazaq KSR densaýlyq saqtaý ministrleriniń biri bolǵan, Qazaq taǵamtaný akademiiasynyń negizin qalaýshy, otandyq meditsinanyń maqtanyshy Tóregeldi Sharmanov dúnieden ótti. Bul týraly "Ult aqparat" QazUMÝ-ǵa silteme jasap habarlaidy.
Tóregeldi Sharmanov 25 mamyrda qaitys boldy, dep habarlady Asfendiiarov atyndaǵy QazUMÝ ókilderi.
"Qazaq meditsinasynyń maqtanyshy, álemdik densaýlyq saqtaý salasynyń ańyz adamy, akademik Tóregeldi Sharmanov ómirden ótti", - delingen habarlamada.
Tóregeldi Sharmanov áleýmettik-gýmanitarlyq saladaǵy úzdik jetistikteri jáne densaýlyq saqtaý salasyn damytýǵa qosqan zor úlesi úshin marapattalǵan "Eńbek eri" ataǵynyń iegeri boldy. Ol 12 jyl boiy Densaýlyq saqtaý ministrligin basqaryp, alǵashqy meditsinalyq-sanitarlyq kómektiń teńdesi joq júiesin qurdy. 2005 jyly akademik Sharmanovqa Dúniejúzilik densaýlyq saqtaý uiymynyń joǵary dárejesi – Leon Bernard syilyǵy berildi. Ol syilyqty búkil álem tarihynda nebári 29 adam alǵan.
