Foto: Ashyq derekkóz
2020 jyly RBK Bank-ten 144 milliard teńge jymqyrǵany úshin sottalǵan burynǵy bankir Jomart Ertaev koloniiadan bosatyldy. Bul aqparatty IIM Qylmystyq-atqarý júiesi komiteti rastady.
Komitet málimetinshe, Ertaev sot úkimine sáikes qylmystyq-atqarý júiesiniń mekemesinde jazasyn ótegen.
"Sot sheshimi negizinde oǵan amnistiia aktisi qoldanyldy, soǵan bailanysty ol bosatyldy. Qosymsha habarlaimyz, sottalǵandarǵa qatysty sheshimderdi qaraý jáne qabyldaý sottyń quzyretine jatady", – dedi QAJK ókilderi.
Sondai-aq Ertaevty ári qarai baqylaý jáne qadaǵalaý úshin probatsiia qyzmeti esebine qoiylǵany aityldy.
