Sýret: facebook.com
Atyraý oblysy Maqat aýdanynyń ákimi Rinat Ibragimov Facebook-tegi paraqshasynda burynǵy áieliniń uryp-soqty jáne qinady dep aiyptaǵanyna bailanysty málimdeme jasady.
"Burynǵy jubaiym ártúrli áleýmettik jelilerde taraǵan sońǵy oqiǵalarǵa bailanysty, meniń laýazymdy tulǵa ekenimdi bile tura, osyndai málimdemeler jasap jatqan siiaqty", - dep jazǵan ákim.
Ol ortaq balalary, 2 qyzy ózimen birge turatynyn aitqan.
"Olar mahabbat pen súiispenshilikte ómir súrýde. Mundai sheshim 2 qyzymnyń qalaýy boiynsha qabyldanyp, budan basqa bul týraly sottyń zańdy sheshimi de shyqqandyǵyn habarlaimyn. Shabýyl jasady degen aiyptaýlarǵa kelsek, qazir sot protsesi júrip jatqandyǵyn jáne de BAQ ókilderinen asyǵys qorytyndy jasamaýlaryn suraimyn", - dep jazdy ol.
Eske salaiyq, buǵan deiin jelide Aqmaral Úmbetqalieva jazǵan video taraǵan bolatyn. Ol Maqat aýdanynyń ákimi Rinat Ibragimovtiń burynǵy áieli ekenin málimdeidi.
Áieldiń aitýynsha, burynǵy kúieýi ony 11 jyl boiy júieli túrde uryp-soǵyp, azaptaǵan.
