Buryn jappai aýyl ákimin sailap kórgen el Orta Aziiada joq. Birinshi bolyp Qazaqstan qolǵa aldy. Bul - tarihi qadam. Osy sailaýdyń tarihi tájiribesimen kelesi saiasi mádenietke ótemiz.
Ákimder sailaýynyń maqsaty tereńde. Bul sailaý 2024 jyly ótetin aýdan ákimderin sailaýǵa daiyndyq. Osy turǵydan alǵanda salmaǵy da úlken.
Jalpy sailaý bizge eń negizgi 4 ózgeristi beredi:
1. Ákimdi halyq sailaidy.
2. Ákimniń jumysyn aýyl keńesi tolyq baqylaidy.
3. Ákimniń jumysy unamasa aýyl keńesi ony qyzmetten alý týraly bastama da kótere alady.
4. Ákimge salyqtyń 11 túrinen túsken óz biýdjeti beriledi.
Sondyqtan bul jergilikti jerdegi ózin-ózi basqarý organdaryn jańa sharttarda jumys isteýge kóteredi. Menińshe oń ózgerister. Al endi qalai jumys isteidi aýyl turǵyndarynyń belsendiligine de bailanysty. Saýatty saiasi mádeniet bolsa, talap ete bilse zańda barlyǵy halyq jaǵyna qarai oilastyrylǵan. Sony jumys istetýdi bilý kerek.
Baýyrjan Serikbaev, saiasattanýshy
