Memleket tarihy institýtynyń direktory Búrkitbai Aiaǵan Qazaqstandaǵy prezidenttik institýttyń mańyzdylyǵy týraly oiymen bólisti, dep habarlaidy QazAqparat.
«Qazaqstan Parlamenti 1990 jyly Qazaqstan Respýblikasynyń Prezidenti laýazymyn bekitip, birden-bir sheshim qabyldady. Prezidenttiktiń 30 jyldyq tarihy sol kezdegi tańdaýdyń durystyǵyn kórsetip otyr. Aýqymdy saiasi reformalar júzege asyrylyp, eldiń jańa astanasy boi kóterdi. Ekonomikalyq reformalar jemisin berip, ulttyq valiýtany qoldanysqa engizdik. Ulttyq qaýipsizdik júiesi jolǵa qoiylyp, shekara shegendeldi. Qazaqstan iadrolyq qarýdan bas tartqan memleket atandy. Osylaisha Qazaqstandaǵy prezidenttik institýt óziniń tiimdiligin kórsete bildi», - dedi Búrkitbai Aiaǵan «Prezidenttik basqarý nysany. Konstitýtsiialyq negiz jáne saiasi tájiribe» atty halyqaralyq onlain-konferentsiiada.
Memleket tarihy institýtynyń direktory óz sózinde halyqaralyq konferentsiiaǵa qatysýshylar Qazaqstandaǵy prezidenttik basqarý júiesiniń engizilgenin – durys sheshim ekenin aityp jatqanyn atap ótti.
«Sheshimderdiń kóbin qabyldaý áste ońaiǵa túsken joq. Josparlanǵan sharalardyń bári de iske asa qaldy deýge taǵy kelmeidi. Áitse de qazir biz halyqaralyq dárejede abyroiy bar Qazaqstanǵa ie bolyp otyrmyz. Qazaqstan – Birikken Ulttan uiymynyń múshesi. Búgingi pandemiiany álem de, Qazaqstan da eńseretinine kúmánim joq», - dep túidi Búrkitbai Aiaǵan.
.jpeg)