Jas memleketimizdiń aldynda turǵan qazirgi másele – álemdik trendterden qalmaý. Tarih ǵylymdarynyń doktory Búrkit Aiaǵan Prezidenttiń Qazaqstan halqyna arnaǵan Joldaýyn talqylaý barysyndai osyndai pikir bildirdi.
«Men birneshe óńirde bolyp, jurtpen tildestim. Sol kezde eldi «Endigi damý baǵytymyz qandai bolady» degen saýal alańdatatynyn baiqadyq. Joldaýdyń mańyzdylyǵy osynda boldy dep oilaimyn. Prezident Qazaqstannyń egemendi, zaiyrly memleket ekenin basa aityp ketti. Damý joldaryna kelgende, Elbasy salǵan baǵyt jalǵasatynyn atady. Qazir halyqty qatty alańdatyp júrgen jait – shikizattyń shetke ketýi. Bul el ishindegi eń bir ózekti dep aitar edim. Prezident osy máselege mańyz berip qarady», - degen sarapshy Qazaqstannyń qai elderdiń damý jolyna túsý kerektigi týraly pikirin aitty.
«Shaǵyn jáne mikrobiznesti qoldaý, agrarlyq sektor mena aýylǵa kóp kóńil bólý týraly da aityldy. Qazaqstannyń aldynda toqsanynshy jyldary qoiylǵan máseleler qazir sonshalyq mańyzdy emes. Jas memlekettiń aldynda turǵan qazirgi másele – álemdik trendterden qalmaý. Frantsiia, Germaniia, AQSh siiaqty elderdiń jolymen júrý. Ony Elbasynyń ózi de Almatyda ótken konferentsiiada aitty. Qazirgi zamanda kóppartiialy júie, BAQ bostandyǵy siiaqty máseleler mańyzdy. Qazir eldiń áleýmettik jaǵdaiy jaqsy. Al rýhaniiatqa toqtalsaq, Qasym-Jomart Kemelulynyń ál-Farabi men Abaidyń mereitoiyn atap ótý týraly ustanymy, Ulytaýdaǵy sózi qazaqstandyqtardy biriktirip, bir jolǵa salýǵa qaýqarly», - dedi tarihshy.
.jpeg)