Aqmola oblysynyń Býrabai aýdanyndaǵy qonaqúiden urlanǵan asyl buiymdar tabyldy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 2020 jylǵy mamyrdyń 15-de Býrabai aýdandyq PB kezekshilik bólimine kýrorttyq aimaqtaǵy qonaqúilerdiń birindegi qaýpsizdik qyzmetiniń basshysynan aryz tústi.
Er adamnyń sózinshe, «Grand-otel» keńsesinen asyl buiymdar salynǵan konvert joǵalǵan.
«Shyǵyn kólemi 1 257 000 teńgeni qurady. Kriminaldy politsiia bólimshesiniń qyzmetkerleri Shýche qalasynyń 23 jastaǵy turǵynyn ustady. Odan zattai aiǵaqtar alyndy», - dep túsindirdi vedomstvodan.
Qazirgi kezde, QR QK 188 babynyń 1 bóligi boiynsha «urlyq» sotqa deiingi tergeý amaldary júrgizilýde.
