Foto: Baldauren.kz
Býrabai aýdandyq prokýratýrasy RMQK «Baldáýren respýblikalyq oqý-saýyqtyrý ortalyǵyna» tekseris júrgizip, birqatar óreskel zań buzýshylyqtardy anyqtady, dep habarlaidy Ult.kz.
Tekserý qorytyndysyna sáikes, lagerdiń tehnikalyq pasporty boiynsha syiymdylyǵy 400 oryn bolsa, is júzinde bir aýysymda 574 bala ornalastyrylǵan. Bul ruqsat etilgen normadan 43%-ǵa artyq.
Balalardy syidyrý úshin 12 oqý kabineti jatyn orynǵa ainaldyrylǵan. Alaida bul bólmeler sanitarlyq toraptarmen jabdyqtalmaǵan jáne gigienalyq talaptarǵa sai kelmeidi. Sonymen qatar, norma boiynsha bir bólmege 6 baladan artyq ornalastyrýǵa bolmaidy, biraq is júzinde 9 balaǵa deiin jatqyzylǵan.
Prokýratýranyń aitýynsha, memlekettik kvota boiynsha tegin demalyp jatqan balalar tar ári qolaisyz bólmelerge jaiǵasqan. Al aqyly negizde kelgen balalarǵa barlyq jaǵdai jasalǵan bólek bólmeler usynylǵan.
Osyǵan bailanysty prokýrorlyq qadaǵalaý sharalary qabyldanyp, jaýapty tulǵalardy ákimshilik jaýapkershilikke tartý jáne anyqtalǵan zań buzýshylyqtardy joiý tapsyryldy.
