Foto: Kazakh Tourism
Aqmola oblysyndaǵy «Býrabai» ulttyq parkinde týristerge arnalǵan zamanaýi «Bólektaý» ekologiialyq baǵyty iske qosyldy, dep habarlaidy Ult.kz.
Jańa marshrýt jaiaý júrginshiler úshin qaýipsiz ári yńǵaily bolyp jasaqtalyp, tabiǵat aiasyndaǵy demalystyń tartymdy núktesine ainalmaq.
Ekomarshrýttyń basty ereksheligi – tsifrlyq sheshimderdiń qoldanylýy. Kelýshiler joldy QR-kodtar, aýdiogid jáne Telegram-bot arqyly kvest formatynda júrip óte alady. Baǵyt boiynda Bólektaýdyń florasy men faýnasy, tarihi ańyzdary jaily aqparattyq stendter qoiylǵan. Aýdiogid qazaq, orys jáne aǵylshyn tilderinde qoljetimdi.
Jol tabiǵaty kórkem aýmaq arqyly ótedi. Buryn qaýipsizdigi tómen sanalatyn bul baǵyt endi balalarmen serýendeitin otbasylarǵa da qolaily. Abattandyrý barysynda ekologiialyq taza materialdar paidalanyldy, al ortalyq stendke kún sáýlesi túskende aýany tazartyp turatyn innovatsiialyq jabyn qoldanyldy.
«Ekologiialyq jáne tanymdyq týrizmdi damytý – basty basymdyqtarymyzdyń biri. Bul joba biznes pen memlekettiń tiimdi áriptestiginiń naqty úlgisi», – dedi «Kazakh Tourism» UK» AQ basqarma tóraǵasynyń m.a. Daniel Serjanuly.
Ekomarshrýt Home Credit Bank-tiń qoldaýymen, «Býrabai» ulttyq parki jáne Aqmola oblysy ákimdiginiń týrizm basqarmasymen seriktestikte júzege asty. Joba banktiń Qazaqstandaǵy 20 jyldyǵyna arnalǵan baǵdarlamanyń bir bóligine ainaldy.
«Bul bastama tek abattandyrý emes, adamdarǵa qaýipsiz ári ádemi demalys syilaý, tabiǵatty qorǵaýǵa úndeý», – dedi Home Credit Bank basqarma tóraǵasy Kiril Bachvarov.
Jańa baǵyt alǵashqy týristerin qabyldap, kelýshiler aýdiogid pen kvest elementterin synap kórdi.
