فوتو: Kazakh Tourism
اقمولا وبلىسىنداعى «بۋراباي» ۇلتتىق پاركٸندە تۋريستەرگە ارنالعان زاماناۋي «بٶلەكتاۋ» ەكولوگييالىق باعىتى ٸسكە قوسىلدى, دەپ حابارلايدى Ult.kz.
جاڭا مارشرۋت جاياۋ جٷرگٸنشٸلەر ٷشٸن قاۋٸپسٸز ەرٸ ىڭعايلى بولىپ جاساقتالىپ, تابيعات اياسىنداعى دەمالىستىڭ تارتىمدى نٷكتەسٸنە اينالماق.
ەكومارشرۋتتىڭ باستى ەرەكشەلٸگٸ – تسيفرلىق شەشٸمدەردٸڭ قولدانىلۋى. كەلۋشٸلەر جولدى QR-كودتار, اۋديوگيد جەنە Telegram-بوت ارقىلى كۆەست فورماتىندا جٷرٸپ ٶتە الادى. باعىت بويىندا بٶلەكتاۋدىڭ فلوراسى مەن فاۋناسى, تاريحي اڭىزدارى جايلى اقپاراتتىق ستەندتەر قويىلعان. اۋديوگيد قازاق, ورىس جەنە اعىلشىن تٸلدەرٸندە قولجەتٸمدٸ.
جول تابيعاتى كٶركەم اۋماق ارقىلى ٶتەدٸ. بۇرىن قاۋٸپسٸزدٸگٸ تٶمەن سانالاتىن بۇل باعىت ەندٸ بالالارمەن سەرۋەندەيتٸن وتباسىلارعا دا قولايلى. اباتتاندىرۋ بارىسىندا ەكولوگييالىق تازا ماتەريالدار پايدالانىلدى, ال ورتالىق ستەندكە كٷن سەۋلەسٸ تٷسكەندە اۋانى تازارتىپ تۇراتىن يننوۆاتسييالىق جابىن قولدانىلدى.
«ەكولوگييالىق جەنە تانىمدىق تۋريزمدٸ دامىتۋ – باستى باسىمدىقتارىمىزدىڭ بٸرٸ. بۇل جوبا بيزنەس پەن مەملەكەتتٸڭ تيٸمدٸ ەرٸپتەستٸگٸنٸڭ ناقتى ٷلگٸسٸ», – دەدٸ «Kazakh Tourism» ۇك» اق باسقارما تٶراعاسىنىڭ م.ا. دانيەل سەرجانۇلى.
ەكومارشرۋت Home Credit Bank-تٸڭ قولداۋىمەن, «بۋراباي» ۇلتتىق پاركٸ جەنە اقمولا وبلىسى ەكٸمدٸگٸنٸڭ تۋريزم باسقارماسىمەن سەرٸكتەستٸكتە جٷزەگە استى. جوبا بانكتٸڭ قازاقستانداعى 20 جىلدىعىنا ارنالعان باعدارلامانىڭ بٸر بٶلٸگٸنە اينالدى.
«بۇل باستاما تەك اباتتاندىرۋ ەمەس, ادامدارعا قاۋٸپسٸز ەرٸ ەدەمٸ دەمالىس سىيلاۋ, تابيعاتتى قورعاۋعا ٷندەۋ», – دەدٸ Home Credit Bank باسقارما تٶراعاسى كيريل باچۆاروۆ.
جاڭا باعىت العاشقى تۋريستەرٸن قابىلداپ, كەلۋشٸلەر اۋديوگيد پەن كۆەست ەلەمەنتتەرٸن سىناپ كٶردٸ.
