Býrabai aýdanynda órt sóndirýshiler bir táýlik boiy orman órtimen arpalysty, dep habarlaidy Aqmola oblystyq TJD baspasóz qyzmeti.
Vedomstvonyń málimetinshe, maýsymnyń 25-de Shýche qalalyq ÓB kezekshilik bólimine Býrabai aýdanynyń Sarybulaq aýylynda tútin shyǵyp jatqandyǵy týraly aqparat túsken.
Aitylǵan jerge Shýche qalalyq ÓB-20 kezekshi aýysymy jáne Býrabai aýdandyq ÓSB jedel toby bardy.
«Býrabai» MTUP 35 kvartaldaǵy orman sharýashylyǵynda órt shyqty. Tilsiz jaýdy aýyzdyqtaýǵa Shýche órt sóndirýshilerinen bólek, «Býrabai» MTUP jáne «Qazáýeormandyqorǵaý» mekemesiniń kúsh-quraldary jumyldyryldy. Qazirgi kezde órttiń tutaný sebebi men kelgen materialdyq zalal kólemi anyqtalý ústinde», - deidi Býrabai aýdandyq ÓSB bastyǵy Qanat Babaev.
Qyzyl jalyn 2,8 gektar aýmaqty sharpyǵan.
