Býrabai aýdandyq ortalyqtandyrylǵan kitaphanalar júiesinde "Rýhani jańǵyrý" memlekettik baǵdarlamasyn júzege asyrý maqsatynda, "Avtor jáne oqyrman" jobasy aiasynda Bulandy aýdanynan kelgen, aqyn, jýrnalist Jainarbek Zandybaiulymen kezdesý keshi ótti.
Kezdesý keshi barysynda avtor óz shyǵarmashylyǵyn tanystyryp, rýhty óleńderin oqyp, alǵashqy qalam ustaǵan jyldarynan bastap búgingi shyǵarmashylyq jolymen oi bólisti. Aqyndy qoldap kelgen keshimizdiń qurmetti qonaqtary Bulandy mádeniet úiiniń direktory, avtordyń ómirde de, ónerde de dosy Sársekeev Ernur Saǵatuly gitaramen ásem án shashý etse, Bulandy aýdandyq mádeniet úiiniń direktorynyń orynbasary Kenjeǵaliev Álisher Jánibekuly avtordyń "Oinamańdar" óleńin oqydy. Avtordyń shákirtteri jas aqyn Tilek Serik ustazynyń "Rýhym qaida?" óleńin oqysa, Bergenbek Azatbaiuly arnaý oryndap, keremet keshtiń shyraiyn keltirdi.
Rýhani kesh óte áserli, tárbielik mańyzy zor boldy. Oqyrmandar suraqtaryn qoiyp,avtor men oqyrman arasynda erekshe jylýlyq, ózara bailanys ornady. Jainarbek Zandybai kesh boiy ár taqyrypta óleńderin oqyp, jastarǵa oi salar ustamdy sózderin jetkizdi. Kesh shynaiy, erkin formatta ótkendikten keremet áser qaldyrdy.
Avtordyń birneshe óleńderin joǵary pedagogikalyq kolledjiniń stýdentteri Aqmaral Tilegen, Alimjanov Orynbek, aýdandyq kitaphananyń qyzmetkeri Mahabbat Orazalina erekshe naqyshta jetkizdi.
Kesh sońynda avtorǵa kitaphana direktory jyly lebizin bildirip, alǵys hatpen kitaptar syiǵa tartty jáne "Tsifrlyq Qazaqstan" jobasy boiynsha avtordyń shyǵarmashylyǵyn sandyq kóshirmege túsirý maqsatynda avtorlyq kelisim-shartqa qol qoiyldy.
Sondai-aq, "Óleń-ómir ainasy" kitap kórmesi oqyrmandar nazaryna usynyldy. Osyndai keshtiń berer taǵylymy mol ekendigi sózsiz.
