14 shilde kúni Býrabai aspanynyń astynda qazaq opera óneriniń injý-marjany – M.Tólebaevtyń «Birjan – Sara» qoiylymy kórermen nazaryna usynylmaq. Jaýhar týyndynyń jańa mýzykalyq-sahnalyq redaktsiiadaǵy tusaýkeseri osy jyldyń kókteminde «Astana Opera» sahnasynda oryn alyp, orasan zor jetistikke ie bolǵan edi. Joba QR Mádeniet jáne sport ministrliginiń qoldaýymen Elordanyń 20 jyldyq mereitoiy aiasynda júzege asýda.
«Birjan – Sara» qazaq opera óneriniń tóltýma jaýhary bolyp tabylady. Qoiylymǵa barynsha naqtylyq berip, qazaq jeriniń bai tabiǵatyn kórsetý úshin spektakldi sulý ólke – Býrabaida qoiýǵa sheshim qabyldandy.
Qoiylym tobynyń búgingi tańdaǵy biregei sheshimderi men spektakldiń stsenografiialyq aishyqtaryn qosa alǵandaǵy barsha dramatýrgiia tolyqtai saqtalady. Degenmen, teatrdyń qyr-syry jaǵdaiǵa bailanysty bolmaq, qoiylymdardy ashyq aspan astynda ótkizý tájiribesi jańa múmkindikterge jol ashpaq: partitýrada jazylǵandai, Birjan óz ariiasyn alystan shyrqaidy, ormannyń akýstikasy ánge erekshe aiqyn reńk beredi, tipti tabiǵattyń ózi dekoratsiianyń bir bóligi ispettes. Bul kórermenderimizdiń teatr sahnasynda burqyrap aǵyp, barshany tamsandyrǵan sarqyramany ne bolmasa kózdiń jaýyn alar jármeńkeni kóre almaidy degen sóz emes, bári de bolady! Biraq, eń bastysy – keremet mýzyka, solisterdiń tamasha daýystary men orkestrdiń úilesimdi dybystalýy tyńdarmanǵa umytylmas erekshe áser syilamaq.
Spektakldiń tujyrymdamasy barlyq keiipkerler beineleriniń birjaqty baiandalýynyń joqtyǵymen sipattalady. Kórermen qaýymǵa Birjan men Saranyń bul dúniede oryn alýy jazbaǵan mahabbat oqiǵasy usynylady. Dástúr boiynsha, opera basty qaharmannyń qazasymen aiaqtalady, alaida qoiýshylar úmit otyn sóndirmeidi, iaǵni qurbandyqqa shalynǵan mahabbattyń beker bolmaǵanyn kórermenniń túsingenin qalaidy. Birjan men Saranyń oqiǵasy myńdaǵan urpaqtyń birigýine múmkindik berip, halyqtyń jadynda mahabbattyń uly qudireti jaily estelik bolyp máńgilikke qalmaq.
Basty partiialardy oryndaýshylar: Birjan – kóptegen halyqaralyq baiqaýlardyń laýreaty Meiir Bainesh, Sara – Qazaqstannyń eńbek sińirgen ártisi, memlekettik syilyqtyń laýreaty Maira Muhamedqyzy, Janbota – Qazaqstannyń eńbek sińirgen qairatkeri Janat Shybyqbaev, Analyq – Qazaqstannyń eńbek sińirgen qairatkeri Dina Hamzina, Altynai – Qazaqstannyń eńbek sińirgen qairatkeri Saltanat Ahmetova, Jienqul – kóptegen halyqaralyq baiqaýlardyń laýreaty Talǵat Ǵaleev, Qojaǵul – Shyńǵys Rasylhan, Serik – Ramzat Balakishiev, Estai – Beiimbet Tańaryqov.
Qoiýshy dirijer – Qazaqstannyń eńbek sińirgen qairatkeri A.Muhitdinov, qoiýshy rejisser – PhD doktory, Qazaqstannyń eńbek sińirgen qairatkeri A.Maemirov, keńesshi rejisser – Belarýs Úlken teatrynyń bas rejisseri, G.Týkai atyndaǵy Tatarstan Respýblikasy Memlekettik syilyǵynyń laýreaty M.Pandjavidze, rejisser –N.Kagadii, baletmeisterler – Qazaqstannyń eńbek sińirgen qairatkeri A.Táti, M.Avahri, qoiýshy rejisserdiń assistenti – E.Toikenov. Qoiýshy sýretshiler men stsenograftar – S.Tamsaǵambetova men P.Dragýnov. Bas hormeister – Qazaqstannyń eńbek sińirgen qairatkeri E.Dáýitov.
Spektakldiń bastalýy saǵat 21.30-da, «Býrabai» demalys aimaǵy.
