Aqmola oblystyq máslihattyń áleýmettik máseleler jónindegi turaqty komissiiasy «Jergilikti jerlerde «Rýhani jańǵyrý» baǵdarlamasynyń is-sharalaryn iske asyrý sheńberinde oblystyń mádeniet mekemeleriniń qyzmetin odan ári jaqsartý sharalary men jaǵdaiy týraly» máseleni zerdeleýdi jalǵastyrýda.
Bul joly komissiia tóraiymy E.Mashinskaianyń basshylyǵymen jumys toby Bulandy jáne Býrabai aýdandarynda bolyp, mádeniet mekemeleriniń jumysymen jáne jaǵdaiymen tanysty, ujymdarmen kezdesýler ótkizdi.
Osylaisha, Bulandy aýdanynda «Bolashaqqa baǵdar: rýhani jańǵyrý» baǵdarlamalyq maqalasyn iske asyrý aiasynda bólim naqty jumys júrgizdi. «Týǵan jer» bazalyq baǵytyn iske asyrý aiasynda «"Rýhani qazyna» kishi baǵdarlamasy boiynsha 2 joba bar: «Týǵan jerdiń bulaǵy» jáne «Balýan Sholaq» estelik kitaby». Jobalardy iske asyrý merzimi úsh jyl (2017-2019 jyldar). Osy jobalar boiynsha naqty jumystar júrgizilýde.
Modeldi aýdandyq kitaphana bazasynda «Rýhani jańǵyrý» memlekettik baǵdarlamasyn nasihattaý jáne buqaralyq is-sharalar ótkizý úshin zal uiymdastyryldy.
Aýdandyq mádeniet úiinde eresekter men balalarǵa arnalǵan kórkem úiirmeler bar. Aǵymdaǵy jyly mádeniet mekemelerimen 1675 is-shara ótkizilip, oǵan 14855 adam qatysty.
Býrabai aýdanynda 10 klýb mekemesi men 34 kitaphana bar. 3 mádeniet nysany apattyq jaǵdaida jáne Shýchinsk q. «Agroremmash» MÚ, Býrabai k., Naýryzbai batyr klýbtary jumys istemeidi.
Býrabai aýdanynyń 4 kieli nysany «Qazaqstannyń jalpyulttyq qasietti obektileri» entsiklopediiasyna engizilgen.
Jalpy alǵanda, mádeniet salasyndaǵy jumys Mádeni saiasat tujyrymdamasyn iske asyrýǵa, mádeniet salasyna zamanaýi tehnologiialardy engizýge baǵyttalǵan, bul mádeni kommýnikatsiialardyń jańa nysandaryn damytýdyń jáne eldiń mádeni keńistigin biriktirýdiń mańyzdy faktory sanalady.
Úlken uiymdastyrý jumysy ulttyq jáne memlekettik merekelerdi daiyndaý jáne ótkizý kezinde júrgiziledi, oǵan etno-mádeni birlestikter, ardagerler, memlekettik qyzmetkerler, eńbek ujymdarynyń ókilderi qatysady.
Bul másele jaqyn arada oblystyq máslihat komissiiasynyń otyrysynda egjei-tegjeili qaralatyn bolady.
