Meniń oiymsha, 1931-1933 jylǵy Asharshylyqty stalindik-bolsheviktik júieniń basqa da qylmystarynan bólip alyp kórsetý múmkin emes.
Shyndap keletin bolsaq, bul zulmat 1916 jylǵy kóterilisten bastalyp, úzilmei jalǵasqan qazaqqa qarsy, adamgershilikke qarsy jasalǵan otarshyldyq qylmys. Iaǵni, bunyń barlyǵyn keshendi túrde qarastyrý qajet.
Aitpaǵym: osy 2016 jyly bárimiz jabylyp 1916-1933 jyldar aralyǵyndaǵy Zulmat, tarihtaǵy “Alqakól sulama” degen siiaqty zobalań kezeń degendi nasihattap, ǵylymi, aqparattyq turǵydan nasihattap, zańdastyryp kórsek.
Jáne de buny ózge tilderge aýdarýdyń qajeti joq. "Zulmat" dep alyp, ózge tilderge de engizip kórý qajet. Evreiler óz tragediiasyn "Holokost" dep álemge moiyndatty. Ýkraindar "Golodomor" dep alyp, BUU, Eýroparlament dárejesinde dáleldedi. Bizder de osyǵan umtylýymyz qajet.
Jáne de mynany ústi-ústi aita berýimiz qajet: ult tragediiasyn, qazaq qasyretin aitqanda bizder bireýden kek alý úshin aityp jatqan joqpyz. Bul ata-babalar, arýaqtar aldyndaǵy perzenttik, urpaqtyq paryzymyz. Buny basqaǵa qaitalap, qan qaqsatý úshin emes, uymtpaý, qaitalatqyzbaý úshin aityp otyrmyz.
Tarih tek meiramnan, jeńisterden quralmaidy. Ulttyń ulylyǵy, ziialylyǵy tragediiadan sabaq ala alýynda. Bizdiń ult retindegi otarsyzdanýymyzdyń qaǵidasy bireý: biz qul emespiz, endi eshqashan qul bolmaimyz, eshkimdi qul qylǵymyz kelmeidi.
Aidos Sarymnyń feisbýktaǵy jazbasynan
