Áielderge uiatsyz hattar jazyp, partiiadan shyǵarylǵan depýtat Asqar Sadyqov instagram paraqshasyna video jariialap, ózine qatysty aiyptaýlardy ótirik dep atady.
Eks-depýtat taraǵan aqparattyń shyndyqqa janaspaitynyn jáne munyń «Aq jol» demokratiialyq partiiasynyń tóraǵasy Azat Perýashevtyń ózine jasaǵan qastandyǵy ekenin aitýda.
"Azat Perýashev óz halqyn birneshe ret adastyrdy. Shamasy, bul - onyń jumys stili. Men sizge jeke júginemin, Azat Perýashev. Eger meni partiiadan shyǵarǵyńyz kelse basqa dálelder keltirseńiz bolar edi, biraq sizde ol da joq. (...) Sizdiń málimdemeńizdi oqyp tańǵalyp otyrmyn. Biraq sizdiń buǵan deiingi jalǵan málimdemelerińiz BAQ-tyń esine túsedi dep oilaimyn. Azat Perýashev osy aqparat arqyly óziniń orynbasary, Ulttyq ulan generaly jemqor degen aqparatty jasyryp qalǵysy kelgen bolar. Meniń oiymsha, Azat Perýashev, siz maqsatyńyzǵa jettińiz", - deidi Sadyqov.
