Densaýlyq saqtaý ministri Aleksei Tsoi Qazaqstan DDSU-nyń sońǵy standarttaryna sáikes naýqastardyń bárin esepke tirkeýge daiyn ekenin jetkizdi, dep habarlaidy QazAqparat.
«Dúniejúzilik densaýlyq saqtaý ui ymynyń keńesimen biz 2020 jyldyń 1 tamyzynan bastap KVI men pnevmoniia boiynsha statistikanyń biriktirý týraly sheshim qabyldadyq. Kóp adam DDSU bul týraly 18 shildede habarlasa, Qazaqstan statistikany nelikten 1 tamyzdan bastaǵaly jatyr deidi. Sebep mynada: bizge kodirovka men patsientterdi tirkeý júiesiniń senimdiligin qamtamasyz etý algoritmin ázirleý úshin, qazirgi aqparattyq júieni baptap, jańa málimetterdi engizý úshin personaldy daiyndaýǵa eki aptaǵa jýyq ýaqyt kerek boldy. Bul óte kúrdeli ári kóp kúshti talap etetin sharýa», - dedi Aleksei Tsoi OKQ-da ótken baspasóz máslihatynda.
Ministrdiń aitýynsha PTR-testten anyqtalǵan nátijeni tirkeý ońai bolǵanymen, rastalmaǵan kovit (pnevmoniiany) anyqtaý qiyn.
«Bizdiń aldymyzda az ýaqyttyń ishinde dárigerlerdi koronavirýs pnevmoniiasynyń belgilerin anyqtap, ony esep júiesine tirkeý mindeti turdy. Biz bul jumysty atqardyq. Endigi kezekte DDSU-nyń sońǵy standarttaryna sáikes naýqastardyń bárin tirkeýge daiynbyz», - dedi ol.
