Býkmekerlik keńselerde bás tigýge qatysýdan shekteý tetigin iske asyrý úshin stavkalardy esepke alý ortalyǵyn qurý josparlanyp otyr.
Bul týraly Parlament Májilisiniń jalpy otyrysynda Mədeniet jəne sport ministri Aqtoty Raiymqulova málim etti, dep habarlaidy "Ult aqparat".
Búgin jalpy otyrysta «Qazaqstan Respýblikasynyń keibir zańnamalyq aktilerine oiyn biznesi máseleleri boiynsha ózgerister men tolyqtyrýlar engizý týraly» zań jobasy birinshi oqylymda qaralýda.
«Zań jobasy býmekerlik keńseler men totalizatorlardyń qyzmetin retteý ári baqylaýdy jetildirýge, qumar oiyndar men bás tigýge tartylatyn jáne táýeldi azamattardyń sanyn qysqartýǵa baǵyttalǵan. Zań jobasynyń jumysyna múddeli memlekettik organdardyń ókilderi jáne ministrlikte qurylǵan jumys toby aiasyndaǵy qoǵamdyq uiymdardan sarapshylar qatysty», - dedi ministr.
Onyń sózine qaraǵanda, oiyn biznesi týraly qujatta qumar oiyndar men bás tigýge qatysýdan ózin-ózi shekteý tetigi engiziledi.
«Ýákiletti memlekettik organdarda býkmekerlik keńseler men oiynshylardyń arasyndaǵy aqsha operatsiialary týraly tolyq jáne durys aqparatpen qamtamasyz etý úshin, sondai-aq bás tigýge qatysýdan shekteý tetigin iske asyrý úshin stavkalardy esepke alý ortalyǵyn qurý kózdeledi.
Qazirgi ýaqytta salany memlekettik retteýdiń mańyzy býkmekerlik keńseler men totalizatorlardyń ainalymy týraly naqty málimetterdiń bolmaýyna bailanysty. Osy sebepti stavkalardy esepke alý ortalyǵyn qurý usynylady, bul rette onda býkmekerlik keńsege qolma-qol nemese elektrondyq tólem júieleri arqyly túsetin barlyq tólemder eskerilýi tiis. Býkmekerlik keńseler men totalizatorlarǵa túsetin barlyq tólemderdiń biryńǵai esebi kóleńkeli ainalymdy boldyrmaýǵa, salyqtardyń jinalýyn arttyrýǵa, baqylaýdy jeńildetýge múmkindik beredi», - dedi Aqtoty Raiymqulova.
