Ýhan qalasynda ótip jatqan VII Búkilálemdik áskeri oiyndarda Qazaqstan Qarýly Kúshteriniń qorjyny eki qola medalmen tolyqty. Grek-rim kúresinen armiia sportshylary júldeger atandy, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
60 kelige deiingi salmaq dárejesindegi jarysta QR Qorǵanys ministrligi Armiia ortalyq sport klýbynyń sportshysy Aidos Sultanǵali úshinshi oryndy ielendi. Ol Úndistan palýany, 2019 jylǵy Aziia Chempionatynyń qola júldegeri Gianendera Dahiiany 6:3 esebimen jeńdi.
76 kelige deiingi salmaqta armiia sportshysy Gúlmaral Erkebaeva Litva chempiony Greta Steponiteni 10:0 esebimen jeńip, el qorjynyna ekinshi «qolany» ákeldi.
Bes kúndik jarys qorytyndysymen medal sany jaǵynan oiyn qojaiyny – Qytai kósh bastap tur. Qazaqstan quramasynyń qorjynynda – bir altyn, bir kúmis jáne úsh qola bar.
