"Zimniaia vishnia" saýda ortalyǵyndaǵy órtte búkil otbasynan aiyrylǵan Kemerovo turǵyny Igor Vostrikov videoúndeý joldady, dep jazady sputniknews.kz
Órt kezinde biznesmenniń áieli Elena, 7 jasar qyzy Anna, 5 jasar uly Artem, 2 jasar uly Roman jáne qaryndasy Alena qaza tapty.
Vostrikovtyń aitýynsha, áleýmettik jelide ony feik dep sanaityndar bar, sondyqtan ol videoda otbasymen birge túsken sýretti kórsetedi. Kemerovo turǵyny týystarynyń denesin bermei otyrǵandaryn, sot-meditsinalyq saraptama aiaqtalǵansha úsh apta kútý kerek ekenin aitady.
Onyń sózine qaraǵanda, qaza bolǵandardyń týǵandary kinoteatrdan shyǵaberis jerdegi beinebaqylaý kamerasynyń jazbasyn kórgen. Videodan esikterdi eshkimniń jappaǵanyn, adamdardyń qashyp shyǵyp jatqandaryn kórýge bolady.
"Tek biz ǵana qaldyq, óitkeni balalar mýltfilmi boldy. Balalarmen kesheýildedik. Olar esikke jetkenshe, dálizde qalyń tútin jaiyldy. Bir er adam esikti jaýyp, tesikterdi bitep, qutqarýshylardy kútemiz dep sheshti. Biraq qutqarýshylar kelmedi", — degen Vostrikov er adamnyń syrtqa shyǵyp, ony qutqarǵanyn aitty.
Vostrikov qutqarýshylardyń jedel kelmegenine, órttiń shuǵyl sóndirilmegenine qynjylady. Óitkeni tunshyǵyp ólgen adamdardy aman alyp qalmasa da, deneleri órtenip ketpes edi. Endi týystary olardy jerlei almai otyr.
"Olar qatty kúiip qalǵan, taný múmkin emes. Keibireýiniń tolyq máiiti joq, tek bólshekteri ǵana bar", — dep kózine jas aldy Vostrikov.
Aita ketsek, miting kezinde Kemerovo oblysynyń vitse-gýbernatory Sergei Tsivilev kásipker Igor Vostrikovke "tragediia kezinde piar jasap jatyrsyz" dep kinálaǵan edi.
