Qazaqstan Eýraziialyq integratsiianyń iskerlik negizde bolýyn qoldaidy. QR Prezidenti Qasym-Jomart Toqaev Eýraziialyq ekonomikalyq komissiia forýmynyń jalpy otyrysynda osyndai ustanym bildirdi, dep habarlaidy QazAqparat.
«Eýraziialyq ekonomikalyq komissiia, menińshe, aitarlyqtai tiimdi jumys istep tur. Biraq másele basqada jáne ol pikirtalasqa turarlyq. Eýraziialyq ekonomikalyq komissiiaǵa qosymsha ókilettikter artýdyń qajeti bar ma? Biz Qazaqstanda bul másele boiynsha alǵa júgirmei, birtindep jumys isteý kerek degen ustanymdy qoldaimyz. Túptiń túbinde Eýraziialyq ekonomikalyq komissiia - úkimet emes. Bul – 2015 jyly qol qoiylǵan tiisti jarǵymen ókilettikteri belgilengen atqarýshy organ», - dedi Prezident Eýraziialyq ekonomikalyq komissiia forýmynyń jalpy otyrysynda.
Memleket basshysy integratsiia kezinde týyndaityn keibir máselelerdi dramaǵa ainaldyrýdyń qajeti joq ekenine de toqtaldy.
«Menińshe, integratsiia úderisi kezinde týyndaityn qandai da bir qiyndyqtardy dramaǵa ainaldyrýdyń qajeti joq. Bul - qalypty protsess. Qazaqstanǵa kelsek, iskerlik negizdegi eýraziialyq integratsiiany qoldaýdy jalǵastyryp, úzeńgiles bolamyz. Árine, odaqtaǵy búkil elmen pragmatikalyq negizde jumys istei beremiz», - dedi Qasym-Jomart Toqaev.
